لُوقا 19:17 - کِتاب مُقدّس سرائیکی ترجمہ

¹⁷ اُوں اُونکُوں آکھیا، ’شاباش، میڈے چنگے نوکر! تَیں تھوڑی رقم کُوں اِیمانداری نال اِستعمال کیتے، اِیں کیتے ہُنڑ تُوں ڈاہ شہراں اُتے اِختیار رکھ۔‘

لُوقا 19:17 Referans Kwoze

لُوقا 16:10

جیہڑا تھوڑے ءچ دیانتدار ہے او بہُوں ءچ وی دیانتدار ہے۔ تے جیہڑا تھوڑے ءچ بددیانت ہے او بہُوں ءچ وی بددیانت ہے۔

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

رومیوں 2:29

بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

لُوقا 19:16

پہلا نوکر آیا تے اُوں آکھیا، ’مالک! مَیں ہِک اشرفی نال ڈاہ اشرفیاں بِیا کَما گِھدیاں ہِن۔‘

لُوقا 19:18

ڈُوجھے آ تے آکھیا، ’مالک! مَیں تُہاڈی ہِک اشرفی کنُوں پنج بِیا کَما گِھدیاں ہِن۔‘