لُوقا 18:32 - کِتاب مُقدّس سرائیکی ترجمہ

³² کیوں جو او غیر قوم آلیاں دے حوالے کیتا ویسی تے لوک اُوندا مذاق بنڑیسن تے بے عزت کریسن تے اُوندے اُتے تُھوکیسن،

لُوقا 18:32 Referans Kwoze

لُوقا 23:11

وَل ہیرودیس آپنڑے سپاہیاں دے نال رَل تے اُونکُوں ذلیل کیتا تے اُوندا مذاق اُڈایا، تے ہِک چمکنڑاں چوغہ پوا تے اُونکُوں پِیلاطُس دے کولھ واپس بھیج ڈِتا۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

مرقس 14:65

کُجھ اُوندے اُتے تُھکیا تے کُجھ اُوندے اکھیں اُتے پٹی بَدھ تے اُونکُوں مُکے مارݨ تے اُونکُوں آکھنڑ لگے، ”نبُوّت کر جو کئیں مارے!“ سپاہیاں وی اُونکُوں چماٹاں مار تے آپنڑے قبضہ ءچ گِھن گِھدا۔

متّی 26:67

وَل اُنہاں اُوندے مُنہ اُتے تُھکیا تے اُونکُوں مُکے مارے تے کُجھ چاٹاں مار تے آکھیا،

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

یُوحنّا 18:35

پِیلاطُس جواب ڈِتا، ”کیا مَیں یہُودی ہاں؟ تیڈی ای قوم تے سردار کاہِناں تیکُوں میڈے حوالے کیتے۔ تُوں کیا کیتے؟“

یُوحنّا 18:30

اُنہاں جواب ڈِتا، ”جے ایہ مُجرم نہ ہوندا تاں اساں اِینکُوں تُہاڈے سپُرد نہ کریندے۔“

یُوحنّا 18:22

جِیں ویلے یسُوع ایہ آکھیا تاں سپاہیاں ءچوں ہِک جیہڑا کولھ کھڑا ہا، اُونکُوں چاٹ ماری تے آکھیا، ”تُوں کاہِن ِ اعظم کُوں اِینویں جواب ڈیندیں؟“

لُوقا 23:35

لوک کھڑے ڈیدھے پئے ہَن تے سردار وی ٹھٹّھے مار مار تے آدھے ہَن جو ”اِیں بئیاں کُوں بچایا۔ جے ایہ خُدا دا المسیح تے اُوندا چُنڑیا ہویا ہے، تاں آپنڑے آپ کُوں وی بچاوے۔“

لُوقا 23:1

وَل اُنہاں دی ساری جماعت اُٹھی تے اُونکُوں پِیلاطُس دے کولھ گِھن گئی۔

متّی 27:2

تے اُونکُوں بَدھ تے گِھن گئے تے گورنر پِیلاطُس دے حوالے کر ڈِتا۔

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

مرقس 15:1

سویل تھیندے ای سردار کاہِناں، بزُرگاں تے شریعت دے عالماں تے سبھ صدر ِ عدالت دے ممبراں نال صلاح کر تے یسُوع کُوں بدھیا تے گِھن تے پِیلاطُس دے حوالے کر ڈِتا۔

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

لُوقا 18:33

تے اُونکُوں کوڑے مریسن تے قتل کریسن تے او تریجھے ڈینہہ زندہ تھی ویسی۔“

یُوحنّا 18:32

ایہ اِیں واسطے تھیّا جو یسُوع دی او گالھ پُوری تھیوے جو او کئیں طرحاں دی موت مرسی۔