لُوقا 18:22 - کِتاب مُقدّس سرائیکی ترجمہ

²² جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

لُوقا 18:22 Referans Kwoze

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

لُوقا 16:9

مَیں تُہاکُوں آدھا ہاں جو دُنیا دی کمائی نال آپنڑے کیتے دوست بنڑاؤ، تاں جو جِیں ویلے او ویندی راہوے تاں او تُہاکُوں ابدی گھراں ءچ جاہ ڈیوݨ۔

لُوقا 10:42

پر ہِک چیز ضرور ہے تے مریم او چنگا حصہ چُنڑ گِھدے جیہڑا اُوں کنُوں کھسیا نہ ویسی۔“

2 پطرس 3:8

عزیزو! ہِک گالھ کڈھائیں نہ بُھلائے جو خُداوند دی نظر ءچ ہِک ڈینہہ ہزار سال تے ہزار سال ہِک ڈینہہ دے برابر ہِن۔

فِلِپّیوں 3:13

بِھراؤ! میں ایہ نئیں سمجھدا جو مَیں اُونکُوں پا گِھدے پر مَیں اِیہو ہِک گالھ کریندا ہاں جو جیہڑے چیزاں پِچُھوں رہ گئیاں ہِن اُنہاں کُوں بُھل تے اگُوں آلیاں چیزاں دو ودھدا ونجاں۔

لُوقا 9:23

وَل اُوں ساریاں کُوں آکھیا، ”جے کوئی میڈی پیروی کرݨ چاہندے تاں آپنڑی خُودی دا اِنکار کرے تے ہر روز آپنڑی صلیب چا تے میڈے پِچُھوں تھی پووے۔

لُوقا 18:21

اُوں آکھیا، ”اِنہاں ساریاں اُتے تاں مَیں چھوٹے لا کنُوں عمل کیتا ہے۔“

لُوقا 18:23

ایہ سُنڑ تے او بہُوں غمگین تھیّا کیوں جو بہُوں دولت مند ہا۔