لُوقا 18:19 - کِتاب مُقدّس سرائیکی ترجمہ

¹⁹ یسُوع اُونکُوں آکھیا، ”تُوں میکُوں نیک کیوں آدھیں؟ کوئی نیک نئیں صرف ہِک ہے یعنی خُدا۔

لُوقا 18:19 Referans Kwoze

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

لُوقا 11:13

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ آپنڑے منگنڑ آلیاں کُوں رُوح القُدس کیوں نہ ڈیسی؟“

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 18:18

وَل کہیں سردار اُوں کنُوں ایہ پُچھیا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“

لُوقا 18:20

تُوں حُکماں کُوں تاں جانڑدا ہیں جو زِنا نہ کر، خون نہ کر، چوری نہ کر، کُوڑی گواہی نہ ڈے، آپنڑے ماء پِیُو دی عزت کر۔“