لُوقا 17:26 - کِتاب مُقدّس سرائیکی ترجمہ

²⁶ جِینویں نُوح دے ڈینہاں ءچ تھیّا ہا، اُونویں ای اِبنِ آدم دے ڈینہاں ءچ وی تھیسی۔

لُوقا 17:26 Referans Kwoze

2 پطرس 2:5

اِینویں ای خُدا قدیم دُنیا کُوں نہ چھوڑیا بلکہ دُنیا دے بے دین لوکاں اُتے طوفان بھیج تے صرف راستبازی دی منادی کرݨ آلے نُوح کُوں بئے سَت لوکاں سمیت بچا گِھدا۔

لُوقا 17:24

کیوں جو جِینویں بجلی دِرک تے اسمان کُوں ہِک پاسے کنُوں گِھن تے ڈُوجھے پاسے تئیں روشن کر ڈیندی ہے، اِینویں ای اِبنِ آدم آپنڑے آوݨ دے ڈینہہ ءچ ظاہر تھیسی۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

لُوقا 17:22

وَل اُوں شاگرداں کُوں آکھیا، ”او ڈینہہ آسن جو تُہاکُوں اِبنِ آدم دے ڈینہاں ءچوں ہِک ڈینہہ کُوں ڈیکھنڑ دی خواہش ہوسی تے نہ ڈیکھ سو۔

2 پطرس 3:6

تے اُوہو پانڑی دے ذریعے اُوں وقت دی دُنیا بُڈ تے تباہ تھی گئی۔

لُوقا 18:8

مَیں تُہاکُوں آدھا ہاں جو او اُنہاں دا جلدی اِنصاف کریسی۔ وَل وی جِیں ویلے اِبنِ آدم آسی تاں کیا زمین اُتے اِیمان پے سی؟“

لُوقا 17:7

فرض کرو جو تُہاڈے ءچوں کہیں دا ہِک نوکر زمین رہیندا یا ڈھورڈنگر چریندا ہووے۔ جِیں ویلے او کھیت کنُوں ولے تاں کیا اُوندا مالک اُونکُوں اکھیسی جو ’جلدی نال آ تے کھانڑا کھاوݨ بہہ وَنج؟‘

لُوقا 17:27

لوک کھاندے پِیندے ہَن تے شادی ویاہ کریندے ہَن، اُوں ڈینہہ تئیں جڈاں نُوح کشتی ءچ داخل تھیّا تے طوفان آ تے ساریاں کُوں ہلاک کر ڈِتا۔