لُوقا 17:24 - کِتاب مُقدّس سرائیکی ترجمہ

²⁴ کیوں جو جِینویں بجلی دِرک تے اسمان کُوں ہِک پاسے کنُوں گِھن تے ڈُوجھے پاسے تئیں روشن کر ڈیندی ہے، اِینویں ای اِبنِ آدم آپنڑے آوݨ دے ڈینہہ ءچ ظاہر تھیسی۔

لُوقا 17:24 Referans Kwoze

متّی 24:27

کیوں جو جِینویں بجلی مشرق کنُوں چمک تے مغرب تئیں ڈِکھالی ڈیندی ہے، اُونویں ای اِبنِ آدم دا آوݨ ہوسی۔

متّی 24:30

اُوں ویلے اِبنِ آدم دا نشان اسمان اُتے ظاہر تھیسی، تے دُنیا دیاں سبھ قوماں چھاتی پِٹسن تے اِبنِ آدم کُوں بدلاں اُتے قُدرت تے وڈے جلال نال آندے ڈیکھسن۔

2 پطرس 3:10

پر خُداوند دے واپس آوݨ دا ڈینہہ چور وانگُوں آ ویسی۔ اُوں ڈینہہ اسمان بہُوں خوفناک اواز نال غائب تھی ویسن، تے اسمان دیاں سبھ چیزاں بھاہ دی شِدت کنُوں پگھر ویسن تے زمین تے اُوندے اُتے دے سبھ کم ظاہر تھی ویسن۔

یعقُوب 5:8

تُساں وی صبر کرو تے دِلاں کُوں مضبوط رکھو کیوں جو خُداوند دی آمد نیڑے ہے۔

2تھِسّلُنیکیوں 2:2

جو جڈاں لوک دعویٰ کرݨ جو کہیں اِلہام یا پیغام تُوں یا ساڈی طرفوں کہیں خط تُوں پتا چلے جو خُداوند دے واپس آوݨ دا ڈینہہ آ گئے تاں تُساں پریشان نہ تھیوائے تے نہ گھبرائے۔

1تھِسّلُنیکیوں 5:2

کیوں جو تُساں چنگی طرحاں جانڑدے ہیوے جو خُداوند دے واپس آوݨ دا ڈینہہ اِینویں آوݨ آلا ہے جِینویں چور رات کُوں آندے۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 5:15

تے ڈیوا بال تے تھاں دے تلے نئیں بلکہ ڈیواٹ اُتے رکھیندے ہِن، تاں اُوندے تُوں گھر دے سبھ لوکاں کُوں روشنی پُجدی ہے۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔