لُوقا 17:2 - کِتاب مُقدّس سرائیکی ترجمہ

² اِنہاں چھوٹیاں ءچوں کہیں کیتے اِیمان تُوں گُمراہ تھیوݨ دا سبب بنڑݨ کنُوں اُوندے کیتے اِیہو چنگا ہے جو چکّی دا بھارا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ویندا۔

لُوقا 17:2 Referans Kwoze

مرقس 9:42

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن، کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ونجے۔

متّی 18:14

اِینویں ای تُہاڈا اسمانی باپ ایہ نئیں چاہندا جو اِنہاں چھوٹیاں ءچوں ہِک وی ہلاک تھیوے۔

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔

متّی 26:24

اِبنِ آدم تاں جِینویں اُوندے حق ءچ لِکھیا ہے ویندا ای ہے، پر اُوں بندے اُتے افسوس جیندے ذریعے اِبنِ آدم پکڑوایا ویندے۔ اُوندے کیتے چنگا ہا جو او پیدا ای نہ تھیندا۔“

1کُرِنتھِیوں 9:15

پر مَیں اِیں حق کُوں اِستعمال نئیں کیتا تے نہ ای اِیں خیال نال لِکھدا پِیا ہاں جو ہُنڑ کُجھ مِلسی۔ کوئی میڈے تُوں میڈے فخر دا سبب کَھس گِھنے، اِیں تُوں میڈے کیتے بہتر ہے جو میں مر ونجاں۔

یُوحنّا 21:15

جِیں ویلے اُنہاں کھانڑا کھا گِھدا تاں یسُوع شمعون پطرس کُوں آکھیا، ”یُوحنّا دے پوتر شمعون! کیا تُوں میکُوں اِنہاں کنُوں زیادہ عزیز رکھیندیں؟“ اُوں آکھیا، ”ہاں خُداوند تُساں تاں جانڑدے ای ہیوے جو مَیں تُہاکُوں عزیز رکھیندا ہاں۔“ اُوں جواب ڈِتا، ”تُوں میڈے لیلے چَرا۔“

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“