لُوقا 17:16 - کِتاب مُقدّس سرائیکی ترجمہ

¹⁶ تے یسُوع دے پیراں اُتے مُنہ دے بھار ڈھے تے اُوندا شُکر ادا کرݨ لگا۔ تے او سامری ہا۔

لُوقا 17:16 Referans Kwoze

متّی 10:5

یسُوع اِنہاں بارہاں کُوں بھیجیا تے اُنہاں کُوں حُکم ڈے تے آکھیا، ”غیر قوماں دو نہ وَنجائے تے سامریاں دے کہیں شہر ءچ داخل نہ تھیوائے۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

مُکاشفہ 5:14

تے چارے جانداراں آکھیا، ”آمین“ تے بزُرگاں ڈھے تے سجدہ کیتا۔

مُکاشفہ 4:10

تاں او چوِّیہہ بزُرگ اُوندے اگُوں ڈھے پوندے ہِن جیہڑا تخت اُتے بیٹھے تے اُونکُوں جیہڑا ہمیشاں تئیں زندہ ہے سجدہ کریندے ہِن۔ او آپنڑے تاج اُوں تخت دے سامنڑے رکھ تے ایہ آدھے ہِن جو

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

یُوحنّا 4:9

اُوں سامری عورت اُونکُوں آکھیا، ”تُساں یہُودی تھی تے مَیں سامری کنُوں پانڑی کیوں منگدے ہیوے؟“ کیوں جو یہُودی سامریاں نال کہیں قِسم دا میل مِلاپ نہ رکھیندے ہَن۔

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

مرقس 5:33

او عورت ایہ جاݨ تے جو اُوندے اندر کیا تھئے ڈردی تے کمبدی ہوئی آئی تے اُوندے اگُوں ڈھے تے اُونکُوں ساری حقیقت ڈسائی۔

متّی 2:11

وَل او اُوں گھر ءچ داخل تھئے تے بال کُوں اُوندی ماء مریم دے کولھ ڈیکھ تے اُوندے اگُوں سجدہ کیتا، تے آپنڑے ڈبے کھول تے سونا، لُبان تے مُر اُونکُوں نذر کیتا۔

لُوقا 17:17

یسُوع پُچھیا، ”کیا ڈاہ دے ڈاہ پاک صاف نہ تھئے ہَن؟ وَل او نؤں کِتھاں ہِن؟

1کُرِنتھِیوں 14:25

اُوندے دل دے راز ظاہر تھی ویسن تے او مُنہ بھرنے ڈھے تے خُدا کُوں سجدہ کریسی تے منیسی جو ”خُدا سچ مُچ تُہاڈے وچال ہے۔“