لُوقا 16:25 - کِتاب مُقدّس سرائیکی ترجمہ

²⁵ ابرہام آکھیا، ’پوتر، یاد کر جو تُوں آپنڑی زندگی ءچ چنگیاں چیزاں گِھن گِھدیاں تے اِینویں ای لعزر بُریاں چیزاں۔ پر ہُنڑ او اِتھاں ارام ءچ ہے تے تُوں عذاب ءچ۔

لُوقا 16:25 Referans Kwoze

لُوقا 6:24

پر افسوس تُہاڈے اُتے جیہڑے دولت مند ہیوے کیوں جو تُساں آپنڑی تسلی پا چُکے۔

1 یُوحنّا 2:15

نہ دُنیا نال محبت رکھو، نہ دُنیا دیاں چیزاں نال۔ جے کوئی دُنیا نال محبت رکھیندے تاں اُوندے ءچ خُدا باپ دی محبت نئیں۔

مرقس 9:45

تے جے تیڈا پیر تَیں کنُوں گُناہ کراوے تاں اُونکُوں کپ سَٹ کیوں جو تیڈے کیتے مَنڈا تھی تے زندگی ءچ داخل تھیوݨ، ڈُو پیراں نال دوزخ ءچ ونجنڑ کنُوں چنگا ہے۔

رومیوں 8:7

کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

عبرانیوں 11:25

کُجھ ڈینہہ گُناہ دا مزہ چاوݨ دی بجائے اُوں خُدا دی اُمت نال رَل تے بدسلُوکی برداشت کرݨ زیادہ پسند کیتا۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

لُوقا 16:23

اُوں عالم ِ ارواح دے عذاب ءچ مُبتلا تھی تے آپنڑے اکھیں چاتیاں تے پرے کنُوں ابرہام کُوں ڈِٹھا تے اُوندی جھولی ءچ لعزر کُوں۔

لُوقا 16:20

تے لعزر ناں دا ہِک غریب، جیہڑا ناسُوراں نال بھریا ہویا، اُوندے دروازے اُتے سَٹ ڈِتا گِیا ہا۔

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

لُوقا 16:26

تے اِنہاں گالھیں دے علاوہ ساڈے تے تُہاڈے وچال ہِک بہُوں وڈی کھائی ہے تاں جو جیہڑا کوئی اِتُھوں کنُوں تُہاڈے کولھ ونجنڑ چاہوے، نہ وَنج سگے تے نہ کوئی اُتھوں کنُوں ساڈے دو آ سگے۔‘