لُوقا 16:24 - کِتاب مُقدّس سرائیکی ترجمہ

²⁴ اُوں چِلا تے آکھیا، ’ابّا ابرہام! میڈے اُتے رحم کر تے لعزر کُوں بھیج جو آپنڑی انگل دا سرا پانڑی ءچ بوڈ تے میڈی زبان کُوں ٹھڈا کرے، کیوں جو مَیں اِیں بھاہ ءچ تڑپدا پِیا ہاں۔‘

لُوقا 16:24 Referans Kwoze

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

یعقُوب 3:6

زبان وی ہِک بھاہ ہے۔ او باقی انگاں دے وچال رہ تے آپنڑے اندر بُرائی دی ہِک دُنیا رکھی پئی ہے۔ زبان ساڈا او اَنگ ہے جیہڑا سارے جِسم کُوں وِگاڑ ڈیندے تے اِنسان دی ساری زندگی کُوں ساڑ ڈیندے کیوں جو او خود دوزخ دی بھاہ نال بلدا راہندے۔

لُوقا 16:30

اُوں آکھیا، ’نہ ابّا ابرہام! پر جے کوئی مُردیاں ءچوں اُنہاں دے کولھ ونجے تاں او توبہ کریسن۔‘

لُوقا 3:8

بس ایجھے کم کرو جو نظر آوے جو تُساں توبہ کیتی ہے تے آپنڑی اِیں بُھل ءچ نہ راہو جو ’ابرہام ساڈا پِیُو ہے۔‘کیوں جو مَیں تُہاکُوں آدھا ہاں جو خُدا اِنہاں پتھراں کنُوں ابرہام کیتے اولاد پیدا کر سگدے۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

مُکاشفہ 19:20

پر اُوں حیوان کُوں گرفتار کر گِھدا گِیا تے اُوندے نال اُوں کُوڑے نبی کُوں وی جئیں اُوندی خاطر معجزانہ نشان ڈِکھائے ہَن۔ اُنہاں معجزیاں دے ذریعے اُوں اُنہاں لوکاں کُوں جِنہاں حیوان دا نشان لوایا ہا تے اُوندے بُت دی عبادت کیتی ہئی، گُمراہ کیتا ہا۔ او ڈوہائیں گندھک نال بلدی ہوئی بھاہ دی جھیل ءچ زندہ سَٹ ڈِتے گئے۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

یُوحنّا 7:37

وَل عید دے آخری ڈینہہ جیہڑا سبھ تُوں خاص ڈینہہ ہے، یسُوع کھڑا تھیّا تے اُچی اواز ءچ آکھنڑ لگا، ”جے کوئی ترِسّا ہووے تاں میڈے کولھ آوے تے پِیوے۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

لُوقا 19:9

یسُوع اُونکُوں آکھیا، ”اَج اِیں گھر ءچ نجات آئی ہے، اِیں واسطے جو ایہ وی ابرہام دا پوتر ہے۔