لُوقا 16:23 - کِتاب مُقدّس سرائیکی ترجمہ

²³ اُوں عالم ِ ارواح دے عذاب ءچ مُبتلا تھی تے آپنڑے اکھیں چاتیاں تے پرے کنُوں ابرہام کُوں ڈِٹھا تے اُوندی جھولی ءچ لعزر کُوں۔

لُوقا 16:23 Referans Kwoze

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘

متّی 23:33

سَپو! نانگ دے بالو! تُساں دوزخ دی سزا کنُوں کِینویں بچسو؟

متّی 18:9

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ۔ تیڈے کیتے ہِک اکھ نال زندگی ءچ داخل تھیوݨ، ڈوہائیں اکھیں ہوندے ہوئے جہنم دی بھاہ ءچ سَٹ ڈِتے ونجنڑ کنُوں چنگا ہے۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

لُوقا 8:28

او یسُوع کُوں ڈیکھ تے زور نال چیخیا تے اُوندے سامنڑے ڈھے تے اُچی اواز نال آکھنڑ لگا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیڈی مِنت کریندا ہاں جو میکُوں عذاب ءچ نہ سَٹ۔“

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

1کُرِنتھِیوں 15:55

”موت! تیڈی فتح کِتھاں ہے؟ موت! تیڈا ڈنگ کِتھاں ہے؟“

متّی 11:23

تے کفرنحُوم! کیا تُوں اسمان تئیں اُچا کیتا ویسیں؟ تُوں تاں عالم ِ ارواح ءچ لہایا ویسیں۔ کیوں جو جیہڑے معجزے تیڈے ءچ ظاہر تھئے، جے سدُوم ءچ ظاہر تھیندے تاں او اَج تئیں قائم راہندا۔

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

لُوقا 16:24

اُوں چِلا تے آکھیا، ’ابّا ابرہام! میڈے اُتے رحم کر تے لعزر کُوں بھیج جو آپنڑی انگل دا سرا پانڑی ءچ بوڈ تے میڈی زبان کُوں ٹھڈا کرے، کیوں جو مَیں اِیں بھاہ ءچ تڑپدا پِیا ہاں۔‘