لُوقا 16:15 - کِتاب مُقدّس سرائیکی ترجمہ

¹⁵ یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

لُوقا 16:15 Referans Kwoze

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

اعمال 15:8

تے خُدا جیہڑا دِلاں دا حال جانڑدے، اُنہاں کُوں وی ساڈے آلی کار رُوح القُدس ڈے تے گواہی ڈِتی جو اُوں اُنہاں کُوں قبول کر گِھدے،

1 پطرس 3:4

بلکہ تُساں باطنی طور تے یعنی حلیمی تے نرم مزاجی نال آپنڑے آپ کُوں سنوارو۔ اِیں غیرفانی خوبصورتی دی خُدا دی نظر ءچ بہُوں قدر ہے۔

لُوقا 11:39

پر خُداوند اُونکُوں آکھیا، ”فریسیو! تُساں پیالے تے تھالی کُوں باہر کنُوں تاں صاف کریندے ہیوے پر تُہاڈے اندر لُٹ دا مال تے بُرائی بھری پئی ہے۔

لُوقا 10:29

پر اُوں آپنڑے آپ کُوں راستباز ثابت کرݨ کیتے یسُوع کنُوں پُچھیا، ”تے میڈا ہمسایہ کوݨ ہے؟“

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

1 پطرس 5:5

اِینویں ای نوجوانو، تُساں بزُرگاں دے تابع راہو تے عاجزی نال ہِک ڈُوجھے دی خدمت کریندے راہو کیوں جو ”خُدا مغرُوراں دی مُقابلہ کریندے پر عاجزی کرݨ آلیاں اُتے مہربانی کریندے۔“

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

یُوحنّا 2:25

اُونکُوں اِیندی ضرورت نہ ہئی جو کوئی اُونکُوں اِنسان دے بارے ءچ ڈساوے کیوں جو او اِنسان دے دل دا حال جانڑدا ہا۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

لُوقا 18:21

اُوں آکھیا، ”اِنہاں ساریاں اُتے تاں مَیں چھوٹے لا کنُوں عمل کیتا ہے۔“

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

اعمال 1:18

(بدکاری دی کمائی ہوئی رقم نال اُوں ہِک کھیت مُل گِھدا۔ اُتھاں او سر دے بھار ڈھٹھا تے اُوندا پیٹ پھٹ گِیا تے اُوندیاں آندراں باہر نِکل آئیاں۔

لُوقا 20:47

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

لُوقا 20:20

بس او اُوندی تاڑ ءچ ریہے تے جاسُوساں کُوں سچے بندیاں دے بھیس ءچ بھیجیا تاں جو اُوندی کوئی گالھ پکڑ تے اُونکُوں گورنر دے قبضہ ءچ ڈے ڈیوݨ۔

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 6:5

تے جِیں ویلے تُساں دُعا کرو تاں منافقاں آلی کار نہ کرو۔ او عبادت خانیاں تے بازاراں دے چوکاں ءچ کھڑے تھی تے دُعا کرݨ پسند کریندے ہِن تاں جو لوک اُنہاں کُوں ڈیکھنڑ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 6:2

بس جِیں ویلے تُوں خیرات کریں تاں آپنڑے اگُوں ڈھنڈورہ نہ پِٹوا، جِینویں منافق عبادت خانیاں تے گلیاں ءچ نرسِنگا وجوا تے کریندے ہِن تاں جو لوک اُنہاں دی تعریف کرݨ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

لُوقا 18:9

وَل یسُوع کُجھ لوکاں کُوں جیہڑے آپنڑے آپ کُوں بہُوں راستباز سمجھدے ہَن تے ڈُوجھیاں کُوں کم تر جانڑدے ہَن، ایہ مثال سُنڑائی:

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

اعمال 1:24

تے ایہ آکھ تے دُعا کیتی جو ”اے خُداوند! تُوں جیہڑا سبھ دے دِلاں کُوں جانڑدا ہیں، ساڈے اُتے ظاہر کر جو اِنہاں ڈوہائیں ءچوں تُوں کِینکُوں چُنڑیا ہے،

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔