لُوقا 15:28 - کِتاب مُقدّس سرائیکی ترجمہ

²⁸ او کوڑیج گِیا تے اندر آوݨ نہ چاہندا ہا، پر اُوندا پِیُو باہر آ تے اُونکُوں مناوݨ لگا۔

لُوقا 15:28 Referans Kwoze

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

لُوقا 7:39

جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

لُوقا 13:34

یروشلیم! یروشلیم! تُوں جیہڑا نبیاں کُوں قتل کریندیں تے جیہڑے تیڈے کولھ بھیجے گئے اُنہاں کُوں سنگسار کریندیں۔ مَیں کِتی پھیری ایہ چاہیا جو تیڈے بالاں کُوں اِینویں جمع کر گِھناں جِینویں مُرغی آپنڑے چُوچیاں کُوں آپنڑے پراں تلے جمع کر گِھندی ہے، پر تُوں راضی نہ تھیّا۔

لُوقا 5:30

فریسی تے اُنہاں دے شریعت دے عالم یسُوع دے شاگرداں کُوں شکایت کر تے ایہ آکھنڑ لگے جو ”تُساں محصُول گِھننڑ آلیاں تے گُنہگاراں دے نال کیوں کھاندے پِیندے ہیوے؟“

متّی 20:11

او مزدُوری گِھن تے گھر دے مالک کُوں ایہ آدھے ہوئے شکایت کرݨ لگے جو

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

رومیوں 10:19

مَیں ولا پُچھدا ہاں، کیا بنی اِسرائیل نئیں سمجھیا؟ پہلے تاں مُوسیٰ آدھا ہے جو ”مَیں اُنہاں کنُوں جیہڑے قوم وی کائنی تُہاکُوں غیرت ڈیویساں ہِک نادان قوم کنُوں تُہاکُوں کاوڑ ڈیویساں ۔“

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

مرقس 1:40

ہِک بندہ جِینکُوں کوڑھ دی بیماری ہئی، اُوندے کولھ آیا تے اُوندے اگُوں گوڈے ٹیک تے اُوندی مِنت کیتی ”جے تُساں چاہو تاں میکُوں پاک صاف کر سگدے ہیوے۔“

لُوقا 15:27

اُوں اُونکُوں آکھیا، ’تیڈا بِھرا وَل آئے تے تیڈے پِیُو موٹا تازہ گابا ذبح کروایا ہے کیوں جو او اُوندے کولھ سلامت وَل آئے۔‘

لُوقا 15:29

اُوں آپنڑے پِیُو کُوں جواب ءچ آکھیا، ’ڈیکھ، مَیں اِتنے سالہاں کنُوں تیڈی خدمت کریندا ہاں تے کڈھائیں تیڈی نافرمانی نئیں کیتی۔ پر تُوں میکُوں کڈھائیں بکری دا ہِک لیلا وی نئیں ڈِتا جو آپنڑے دوستاں نال خوشی منیندا۔