لُوقا 15:20 - کِتاب مُقدّس سرائیکی ترجمہ

²⁰ بس او اُٹھی تے آپنڑے پِیُو دو ٹُر پِیا۔ او اجنڑ بہُوں دُور ای ہا جو اُونکُوں ڈیکھ تے اُوندے پِیُو کُوں اُوندے اُتے ترس آیا تے دِرک تے اُونکُوں ہاں نال لایا تے چُمیا۔

لُوقا 15:20 Referans Kwoze

اِفِسیوں 2:13

پر تُساں جیہڑے پہلے دُور ہَوے ہُنڑ یسُوع مسیح ءچ اُوندے خون دے وسیلے خُدا دے نیڑے گِھن آئے گئے ہیوے۔

اِفِسیوں 2:17

تے اُوں تُساں غیر قوم آلیاں کُوں جیہڑے کہیں ویلے اُوندے کنُوں دُور ہَوے تے یہُودیاں کُوں وی جیہڑے اُوندے نزدیک ہَن، ڈُوہائیں کُوں صُلح دی خوشخبری ڈِتی۔

اعمال 20:37

او سارے بہُوں رُنّے تے پولُس دے گَل لگ تے اُوندے بوسے گِھدے۔

اعمال 2:39

کیوں جو ایہ وعدہ تُہاڈے کیتے تے تُہاڈی اولاد کیتے بلکہ اُنہاں ساریاں کیتے وی ہے جیہڑے دُور دے ہِن، جِنہاں کُوں خُداوند ساڈا خُدا آپنڑے کولھ سڈیسی۔“

لُوقا 15:19

ہُنڑ اِیں لائق نئیں ریہا جو وَل تیڈا پوتر اکھواواں۔ میکُوں آپنڑے مزدُوراں نال رکھ گِھن“۔‘

لُوقا 15:21

پوتر آکھیا، ’ابّا! مَیں اسمان دے خلاف تے تیڈے خلاف گُناہ کیتے۔ ہُنڑ اِیں لائق نئیں ریہا جو وَل تیڈا پوتر اکھواواں۔‘