لُوقا 14:32 - کِتاب مُقدّس سرائیکی ترجمہ

³² نئیں تاں جِیں ویلے دُشمنڑ حالی دُور ای ہے، او قاصد بھیج تے صُلح دی درخاست کریسی۔

لُوقا 14:32 Referans Kwoze

اعمال 12:20

ہُنڑ ہیرودیس صور تے صیدا دے لوکاں تُوں بہُوں ناخوش ہا۔ بس او لوک کٹھے تھی تے اُوندے کولھ آئے تے محل دے ناظم بلَستُس کُوں آپنڑا حامی بنڑا تے بادشاہ کُوں صُلح دی درخاست کیتی، اِیں واسطے جو اُنہاں دے مُلک کُوں بادشاہ دے مُلک کنُوں رَسد پُجدی ہئی۔

لُوقا 12:58

جیہڑے ویلے تُوں مُدعی نال مُنصف دو ویندا پِیا ہوویں تاں رستے ءچ کوشش کر جو اُوں کنُوں چُھٹ ونجیں۔ اِینویں نہ تھیوے جو او تیکُوں مُنصف دے کولھ چھیک ونجے تے مُنصف تیکُوں سپاہی دے حوالے کر ڈیوے تے سپاہی تیکُوں قید ءچ سَٹ ڈیوے۔

متّی 5:25

جئیں تئیں تُوں آپنڑے مُدعی نال راہ ءچ ہیں تُوں اُوندے نال جلدی صُلح کر گِھن، کِتھائیں اِینویں نہ تھیوے جو او تیکُوں مُنصف دے حوالے کر ڈیوے، تے مُنصف تیکُوں سپاہی دے حوالے کر ڈیوے، تے تیکُوں قید خانے ءچ سَٹ ڈِتا ونجے۔

متّی 5:42

جیہڑا کوئی تَیں تُوں منگے اُونکُوں ڈے تے جیہڑا تَیں تُوں قرض گِھننڑ چاہوے اُونکُوں اِنکار نہ کر۔

لُوقا 14:31

یا کیہڑا ایجھا بادشاہ ہے جیہڑا ڈُوجھے بادشاہ نال لڑن ویندا ہووے تے پہلے بہہ تے مشورہ نہ کر گِھنے جو، ’کیا مَیں ڈاہ ہزار نال اُوندا مُقابلہ کر سگدا ہاں یا نئیں جیہڑا وِیہہ ہزار فوج گِھن تے میڈے نال لڑن آندا پِیا ہے؟‘

لُوقا 14:33

بس اِیں طرحاں تُہاڈے ءچوں جیہڑا کوئی آپنڑا سبھ کُجھ چھوڑ نہ ڈیوے، میڈا شاگرد نئیں تھی سگدا۔

لُوقا 19:14

پر اُوں شہر دے لوک اُوں کنُوں نفرت کریندے ہَن تے اُوندے پِچُھوں قاصداں دی زبانی پیغام روانہ کیتا جو ’اساں نئیں چاہندے جو ایہ ساڈے اُتے بادشاہی کرے۔‘