لُوقا 14:15 - کِتاب مُقدّس سرائیکی ترجمہ

¹⁵ جیہڑے یسُوع نال کھانڑا کھاوݨ بیٹھے ہَن، اُنہاں ءچوں ہِک ایہ گالھیں سُنڑ تے اُونکُوں آکھیا، ”مُبارک ہے او جیہڑا خُدا دی بادشاہی ءچ کھانڑا کھاوے۔“

لُوقا 14:15 Referans Kwoze

مُکاشفہ 19:9

وَل اُوں فرشتے میکُوں آکھیا جو ”لِکھ، ’مُبارک ہِن او جیہڑے لیلے دی شادی دی دعوت ءچ سڈے گئے ہِن‘۔“ اُوں مزید آکھیا جو ”ایہ خُدا دے سچے گالھیں ہِن۔“

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

لُوقا 13:29

تے لوک مشرق، مغرب، شمال تے جنُوب کنُوں آ تے خُدا دی بادشاہی دی ضیافت ءچ شریک تھیسن۔

متّی 25:10

جیہڑے ویلے او تیل گِھننڑ ویندیاں پئیاں ہَن تاں گھوٹ آ گِیا تے جیہڑیاں تیار ہَن گھوٹ دے نال شادی دی دعوت ءچ اندر چلیاں گئیاں تے دَر بند تھی گِیا۔

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

متّی 8:11

تے مَیں تُہاکُوں آدھا ہاں جو بہُوں سارے لوک مشرق تے مغرب تُوں آ تے ابرہام تے اِضحاق تے یعقُوب دے نال اسمان دی بادشاہی دی ضیافت ءچ شریک تھیسن۔

لُوقا 22:16

کیوں جو مَیں تُہاکُوں آدھا ہاں جو اُونکُوں ولا کڈھائیں نہ کھاساں جئیں تئیں او خُدا دی بادشاہی ءچ پُورا نہ تھیوے۔“