لُوقا 14:13 - کِتاب مُقدّس سرائیکی ترجمہ

¹³ بلکہ جڈاں تُوں دعوت کریں تاں غریباں، ٹُنڈیاں، مَنڈیاں تے اندھیاں کُوں سڈ،

لُوقا 14:13 Referans Kwoze

لُوقا 14:21

بس اُوں نوکر آ تے آپنڑے مالک کُوں اِنہاں گالھیں دی خبر ڈِتی۔ ایہ سُنڑ تے گھر دے مالک کوڑیج تے آپنڑے نوکر کُوں آکھیا، ’جلدی شہر دی گلیاں تے چوکاں ءچ وَنج تے غریباں، ٹُنڈیاں، اندھیاں تے مَنڈیاں کُوں اِتھاں گِھن آ۔‘

عبرانیوں 13:2

مسافراں دی مہمان نوازی نہ بُھلو کیوں جو اِینویں کرݨ نال کُجھ لوکاں بے خبری ءچ فرشتیاں دی مہمان نوازی کیتی ہے۔

متّی 22:10

نوکر گئے تے جِتّی چنگے مندے اُنہاں کُوں مِلے ساریاں کُوں جمع کر تے گِھن آئے تے شادی آلا گھر مہماناں نال بھریج گِیا۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

طِطُس 1:8

بلکہ مہمان نواز، بھلائی نال محبت کرݨ آلا، مُتّقی، اِنصاف پسند، پاک تے آپنڑے نفس اُتے قابو رکھنڑ آلا ہووے۔

فِلیمون 1:7

کیوں جو بِھرا، میکُوں تیڈی محبت تُوں بہُوں خوشی تے تسلی مِلی ہے کیوں جو تَیں مُقدّساں دے دِلاں کُوں تازہ کیتے۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

لُوقا 11:41

ہاں، اندر دیاں چیزاں خیرات کر ڈیؤ تاں ڈیکھو تُہاڈے کیتے سبھ کُجھ پاک ہوسی۔

متّی 15:30

تے ہِک وڈی بِھیڑ لنگڑیاں، اندھیاں، گُونگیاں، ٹُنڈیاں تے کئی ڈُوجھے بیماراں کُوں نال گِھن تے اُوندے کولھ آئی تے اُنہاں کُوں یسُوع دے قدماں ءچ سَٹ ڈِتا تے اُوں اُنہاں کُوں شِفا بخشی۔

لُوقا 14:12

وَل یسُوع آپنڑے میزبان کُوں وی ایہ آکھیا جو ”جِیں ویلے تُوں ڈوپہر دا یا رات دا کھانڑا پکواویں تاں آپنڑے دوستاں یا بِھرانواں یا رشتہ داراں یا امیر ہمسایاں کُوں نہ سڈ، اِینویں نہ تھیوے جو او وی تیکُوں سڈݨ تے تیڈا احسان لہہ ونجے۔

لُوقا 14:14

تے تیکُوں برکت مِلسی، کیوں جو اُنہاں دے کولھ کُجھ نئیں جیندے نال او تیڈا احسان لہا سگن، تے تیکُوں اِیں احسان دا بدلہ راستبازاں دی قیامت ءچ مِلسی۔“