لُوقا 13:34 - کِتاب مُقدّس سرائیکی ترجمہ

³⁴ یروشلیم! یروشلیم! تُوں جیہڑا نبیاں کُوں قتل کریندیں تے جیہڑے تیڈے کولھ بھیجے گئے اُنہاں کُوں سنگسار کریندیں۔ مَیں کِتی پھیری ایہ چاہیا جو تیڈے بالاں کُوں اِینویں جمع کر گِھناں جِینویں مُرغی آپنڑے چُوچیاں کُوں آپنڑے پراں تلے جمع کر گِھندی ہے، پر تُوں راضی نہ تھیّا۔

لُوقا 13:34 Referans Kwoze

اعمال 7:52

نبیاں ءچوں کِینکُوں تُہاڈے پِیُو ڈاڈا نئیں ستایا؟ اُنہاں تاں اُوں راستباز [یعنی المسیح] دے آوݨ دی خبر ڈیوݨ آلے کُوں قتل کر ڈِتا تے ہُنڑ تُساں اُوندے پکڑواوݨ آلے تے قاتل تھئے۔

لُوقا 23:28

یسُوع مُڑ تے اُنہاں کُوں آکھیا، ”یروشلیم دی دِھیو! میڈے کیتے نہ رووو، بلکہ آپنڑے تے آپنڑے بالاں کیتے رووو۔

لُوقا 19:44

تے تیکُوں تے تیڈے بالاں کُوں جیہڑے تیڈے اندر ہِن زمین اُتے پٹک ڈیسن، تے تیڈے اندر کوئی پتھر اُتے پتھر باقی نہ چھوڑیسن، اِیں واسطے جو تَیں اُوں ویلے کُوں نہ پچھانڑیا جِیں ویلے خُدا تیڈی نجات کیتے تیڈے اُتے نِگاہ کیتی۔“

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

متّی 22:3

تے آپنڑے نوکراں کُوں بھیجیا جو اُنہاں لوکاں کُوں جِنہاں کُوں شادی دی دعوت ڈِتی گئی ہئی سڈ آوݨ، پر او نہ آئے۔

مُکاشفہ 11:8

تے اُنہاں دیاں لاشاں اُوں وڈے شہر دیاں سڑکاں اُتے پئیاں راہسن جِینکُوں علامتی طور تے سدُوم تے مِصر دا ناں ڈِتا گئے۔ اُوں شہر ءچ ساڈا خُداوند وی صلیب اُتے چڑھایا گِیا ہا۔

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

اعمال 7:59

او ستِفُنس کُوں سنگسار کریندے ریہے تے اُوں ایہ دُعا کیتی جو اے خُداوند یسُوع! میڈی رُوح کُوں قبول کر۔

لُوقا 15:28

او کوڑیج گِیا تے اندر آوݨ نہ چاہندا ہا، پر اُوندا پِیُو باہر آ تے اُونکُوں مناوݨ لگا۔