لُوقا 13:33 - کِتاب مُقدّس سرائیکی ترجمہ

³³ پر میکُوں اَج تے کل تے پرسُوں آپنڑا سفر جاری رکھنڑا ہے کیوں جو ممکن نئیں جو نبی یروشلیم کنُوں باہر قتل تھیوے۔

لُوقا 13:33 Referans Kwoze

لُوقا 9:53

پر اُنہاں اُونکُوں قبول نہ کیتا کیوں جو او یروشلیم دو ویندا پِیا ہا۔

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

متّی 20:18

”ڈیکھو اساں یروشلیم ویندے ہیں تے اِبنِ آدم سردار کاہِناں تے شریعت دے عالماں دے حوالے کیتا ویسی۔ او اُوندے قتل دا حُکم ڈیسن،

یُوحنّا 11:54

اِیں واسطے یسُوع یہُودیاں ءچ سرِعام گُھمنڑ پِھرݨ چھوڑ ڈِتا تے بیابان دے نیڑے دے علاقے ءچ اِفرائِیم ناں دے شہر دو چلیا گِیا تے اُتھاں آپنڑے شاگرداں نال راہنڑ لگا۔

یُوحنّا 9:4

جئیں تئیں ڈینہہ دا سوجھلا ہے، ساکُوں اُوندا کم کرݨ ضرور ہے، جئیں میکُوں بھیجیا ہے۔ او رات آندی پئی ہے جیندے ءچ کوئی بندہ کم نئیں کر سگدا۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

یُوحنّا 11:9

یسُوع جواب ڈِتا، ”کیا ڈینہہ ءچ بارہاں گھنٹے نئیں ہوندے؟ جیہڑا بندہ ڈینہہ ءچ ٹُردے، تُھڈا نئیں کھاندا، اِیں واسطے جو او دُنیا دے سوجھلے کُوں ڈیدھے۔