لُوقا 13:32 - کِتاب مُقدّس سرائیکی ترجمہ

³² اُوں اُنہاں کُوں آکھیا جو ”اُوں لومبڑی کُوں وَنج تے ایہ آکھ ڈیؤ جو ’ڈیکھ مَیں اَج تے کل بدرُوحاں کُوں کڈھنڑ تے بیماراں کُوں شِفا ڈیوݨ دا کم کریندا راہساں تے تریجھے ڈینہہ کمال کُوں پُج ویساں۔‘

لُوقا 13:32 Referans Kwoze

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 7:28

شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

یُوحنّا 10:32

یسُوع اُنہاں کُوں آکھیا، ”مَیں تُہاکُوں آپنڑے باپ دی طرفوں وڈے وڈے کم ڈِکھائے ہِن۔ تُساں اُنہاں ءچوں کیہڑے کم دی وجہ کنُوں میکُوں سنگسار کریندے ہیوے؟“

مرقس 6:14

ہیرودیس بادشاہ یسُوع دا ذِکر سُنڑیا کیوں جو اُوندا ناں مشہور تھی گِیا ہا۔ کُجھ لوکاں آدھے ہَن جو ”یُوحنّا بپتسمہ ڈیوݨ آلا مُردیاں ءچوں زندہ تھی گئے، اِیں واسطے او معجزے ڈکھیندے۔“

یُوحنّا 19:30

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔