لُوقا 13:28 - کِتاب مُقدّس سرائیکی ترجمہ

²⁸ جِیں ویلے تُساں ابرہام تے اِضحاق تے یعقُوب تے سارے نبیاں کُوں خُدا دی بادشاہی ءچ موجود ڈیکھ سو، تے خود کُوں باہر کڈھیا ہویا ڈیکھ سو، اُتھاں رووݨ تے ڈنداں دا پِیہوݨ ہوسی۔

لُوقا 13:28 Referans Kwoze

متّی 25:30

تے اِیں بے کار نوکر کُوں باہر اندھارے ءچ سَٹ ڈیؤ۔ اُتھاں رووݨ تے ڈنداں دا پِیہوݨ ہوسی۔‘

متّی 22:13

اِیں وجہ تُوں بادشاہ آپنڑے خادماں کُوں آکھیا، ’اِیندے ہتھ پیر بَدھ تے باہر اندھارے ءچ سَٹ ڈیؤ۔ اُتھاں رووݨ تے ڈنداں دا پِیہوݨ ہوسی۔‘

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

2تھِسّلُنیکیوں 1:5

ایہ خُدا دی سچی عدالت دا واضح ثبوت ہے تاں جو تُساں اُوندی بادشاہی دے لائق تھی سگو جیندے کیتے تُساں ڈُکھ چیندے پئے ہیوے۔

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

لُوقا 16:23

اُوں عالم ِ ارواح دے عذاب ءچ مُبتلا تھی تے آپنڑے اکھیں چاتیاں تے پرے کنُوں ابرہام کُوں ڈِٹھا تے اُوندی جھولی ءچ لعزر کُوں۔

لُوقا 14:15

جیہڑے یسُوع نال کھانڑا کھاوݨ بیٹھے ہَن، اُنہاں ءچوں ہِک ایہ گالھیں سُنڑ تے اُونکُوں آکھیا، ”مُبارک ہے او جیہڑا خُدا دی بادشاہی ءچ کھانڑا کھاوے۔“

لُوقا 10:15

تے کفرنحُوم! کیا تُوں اسمان تئیں اُچا کیتا ویسیں؟ تُوں تاں عالم ِ ارواح ءچ لہایا ویسیں۔

متّی 24:51

تے خُوب کوڑے مروا تے اُونکُوں منافقاں ءچ شامل کر ڈیسی جِتھاں رووݨ تے ڈنداں دا پِیہوݨ ہوسی۔“

متّی 13:50

تے اُنہاں کُوں بھاہ دی بٹھی ءچ سَٹ ڈیسن۔ اُتھاں رووݨ تے ڈنداں دا پِیہوݨ ہوسی۔“

متّی 13:42

تے اُنہاں کُوں بھاہ دی بٹھی ءچ سَٹ ڈیسن جِتھاں رووݨ تے ڈنداں دا پِیہوݨ ہوسی۔