لُوقا 13:24 - کِتاب مُقدّس سرائیکی ترجمہ

²⁴ ”تنگ دروازے کنُوں داخل تھیوݨ دی پُوری کوشش کرو کیوں جو مَیں تُہاکُوں آدھا ہاں جو بہُوں سارے داخل تھیوݨ دی کوشش کریسن پر نہ تھی سگسن۔

لُوقا 13:24 Referans Kwoze

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

یُوحنّا 7:34

تُساں میکُوں گولھیسو پر نہ پیسو، تے جِتھاں مَیں ہاں تُساں نئیں آ سگدے۔“

یُوحنّا 8:21

یسُوع ولا اُنہاں کُوں آکھیا، ”مَیں ویندا ہاں تے تُساں میکُوں گولھیسو پر آپنڑے گُناہاں ءچ مرسو۔ جِتھاں مَیں ویندا ہاں، اُتھاں تُساں نئیں آ سگدے۔“

متّی 11:12

یُوحنّا بپتسمہ ڈیوݨ آلے دے ڈینہاں کنُوں اِیں ویلے تئیں اسمان دی بادشاہی دی زور نال مخالفت تھیندی پئی ہے تے زور آور اُونکُوں کَھس گِھندے ہِن۔

یُوحنّا 13:33

بالو! مَیں تھوڑی دیر بِیا تُہاڈے نال ہاں۔ تُساں میکُوں گولھیسو پر جِینویں مَیں یہُودیاں کُوں آکھیا جو ’جِتھاں مَیں ویندا ہاں، اُتھاں تُساں نئیں آ سگدے،‘ اُونویں ای ہُنڑ تُہاکُوں وی آدھا ہاں۔

لُوقا 13:23

تے کہیں بندے اُوں کنُوں پُچھیا جو ”مالک! کیا نجات پاوݨ آلے تھوڑے ہِن؟“ اُوں اُنہاں کُوں آکھیا،

یُوحنّا 5:4

کیوں جو رب دا فرشتہ کڈھائیں کڈھائیں حوض ءچ لہہ تے پانڑی ہلیندا ہا۔ پانڑی ہِلدے ای جیہڑا کوئی پہلے لہہ ویندا اُونکُوں شِفا مِل ویندی ہئی، بھانویں جو او کہیں وی مرض دا شکار ہووے۔]