لُوقا 13:14 - کِتاب مُقدّس سرائیکی ترجمہ

¹⁴ عبادت خانہ دا سردار اِیں واسطے جو یسُوع سبت دے ڈینہہ شِفا ڈِتی، ناراض تھی تے لوکاں کُوں آکھنڑ لگا، ”چِھی ڈینہہ ہِن جِنہاں ءچ کم کرݨ چاہیدے، بس اُنہاں ءچ آ تے شِفا گِھنو نہ جو سبت دے ڈینہہ۔“

لُوقا 13:14 Referans Kwoze

متّی 12:2

فریسیاں ایہ ڈیکھ تے اُونکُوں آکھیا جو ”ڈیکھو تُہاڈے شاگرد او کم کریندن جیہڑے سبت دے ڈینہہ کرݨ جائز نئیں۔“

لُوقا 6:7

شریعت دے عالم تے فریسی اُوندی تاڑ ءچ ہَن جو جے او سبت دے ڈینہہ اُونکُوں شِفا ڈیوے، تاں اُنہاں کُوں اُوندے اُتے اِلزام لاوݨ دا موقع مِل ویسی۔

لُوقا 8:41

وَل یائِیر ناں دا ہِک بندہ جیہڑا عبادت خانہ دا سردار ہا، یسُوع دے کولھ آیا تے اُوندے پیراں ءچ ڈھے تے اُوندی مِنت کیتی جو ”میڈے گھر جُلو،“

مرقس 5:22

وَل مقامی عبادت خانہ دا ہِک سردار جِیندا ناں یائِیر ہا، اُتھاں آیا۔ او یسُوع کُوں ڈیکھ تے اُوندے پیراں ءچ ڈھے پِیا

رومیوں 10:2

کیوں جو مَیں اُنہاں دا گواہ ہاں جو او خُدا کیتے غیرت تاں رکھیندے ہِن پر سمجھ نال نئیں۔

اعمال 18:17

وَل سارے لوک عبادت خانہ دے سردار سوستھِنیس کُوں پکڑ تے عدالت دے سامنڑے مارݨ لگ پئے پر گلیّو اِنہاں گالھیں دی کُجھ پرواہ نہ کیتی۔

اعمال 18:8

عبادت خانہ دا سردار کرِسپُس آپنڑے سارے خاندان سمیت خُداوند اُتے اِیمان گِھن آیا تے کُرِنتُھس دے بئے بہُوں سارے لوکاں وی کلام سُنڑیا تے اِیمان گِھن آئے تے اُنہاں بپتسمہ گِھدا۔

اعمال 13:15

توریت تے نبیاں دے صحیفے پڑھن تُوں بعد عبادت خانہ دے سرداراں اُنہاں کُوں اکھوا بھیجیا جو ”بِھراؤ! جے لوکاں دی نصیحت کیتے تُہاڈے کولھ پیغام ہے تاں آکھو۔“

لُوقا 6:11

شریعت دے عالم تے فریسی کاوڑ کنُوں پاگل تھی گئے تے آپس ءچ آکھنڑ لگے جو ”اساں یسُوع نال کیا کرُوں؟“