لُوقا 13:12 - کِتاب مُقدّس سرائیکی ترجمہ

¹² یسُوع اُونکُوں ڈیکھ تے کولھ سڈیا تے اُونکُوں آکھیا، ”عورت! تُوں آپنڑی کمزوری کنُوں آزاد تھی گئی۔“

لُوقا 13:12 Referans Kwoze

متّی 8:16

جِیں ویلے شام تھئی تاں بہُوں لوکاں کُوں جِنہاں ءچ بدرُوحاں ہَن اُوندے کولھ گِھن آئے۔ اُوں بدرُوحاں کُوں حُکم ڈے تے کڈھ ڈِتا تے سبھ بیماراں کُوں چنگا کر ڈِتا۔

لُوقا 13:16

بس کیا ایہ مناسب نہ ہا جو ایہ عورت جیہڑی ابرہام دی دِھی ہے، جِینکُوں شیطان اٹھارہاں سالہاں کنُوں بدھی پِیا ہا، سبت دے ڈینہہ اِیں قید کنُوں آزاد کیتی ویندی؟“

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

لُوقا 13:11

تے ڈیکھو ہِک عورت ہئی جِینکُوں اٹھارہاں سالہاں کنُوں ہِک بدرُوح دی وجہ تُوں کمزوری ہئی۔ او کُبڑی تھی گئی ہئی تے کہیں طرح سِدھی نہ تھی سگدی ہئی۔

لُوقا 13:13

وَل اُوں آپنڑے ہتھ اُوندے اُتے رکھے تے او اُونہی ویلے سِدھی تھی گئی تے خُدا دی حمد کرݨ لگ پئی۔