لُوقا 12:28 - کِتاب مُقدّس سرائیکی ترجمہ

²⁸ بس جِیں ویلے خُدا میدان دی گھاہ کُوں، جیہڑی اَج ہے تے کل تنُور ءچ سَٹ ڈِتی ویسی، ایجھی پُشاک پویندے، تاں کمزور اِیمان آلیو! تُہاکُوں کیوں نہ پویسی؟

لُوقا 12:28 Referans Kwoze

متّی 14:31

یسُوع فوراً ہتھ ودھا تے اُونکُوں پکڑ گِھدا تے آکھیا، ”کمزور اِیمان آلے! تَیں کیوں شک کیتے؟“

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

متّی 6:30

بس جِیں ویلے خُدا میدان دی گھاہ کُوں جیہڑی اَج ہے تے کل تنُور ءچ سَٹ ڈِتی ویسی ایجھی پُشاک پویندے، تاں کمزور اِیمان آلیو! کیا تُہاکُوں نہ پویسی؟

1 پطرس 1:24

جِینویں کلام ءچ لِکھیا ہے جو ”ہر بندہ گھاہ آلی کار ہے اُوندی ساری شان گھاہ دے پُھل وانگُوں ہے گھاہ سُک ویندی تے پُھل ڈھے ویندے

لُوقا 8:25

اُوں اُنہاں کُوں آکھیا، ”تُہاڈا اِیمان کِتھاں گِیا؟“ او ڈر گئے تے بہُوں حیران تھی تے ہِک بئے کُوں آکھنڑ لگے، ”ایہ کوݨ ہے؟ ایہ تاں ہوا تے پانڑی کُوں وی حُکم ڈیندے تے او اُوندی منیندے ہِن۔“

متّی 17:17

یسُوع جواب ءچ آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

متّی 16:8

یسُوع اُنہاں دی سوچ جاݨ تے آکھیا، ”کمزور اِیمان آلیو! تُساں کیوں آپس ءچ تکرار کریندے ہیوے جو ساڈے کولھ روٹی نئیں؟

متّی 8:26

اُوں اُنہاں کُوں آکھیا، ”کمزور اِیمان آلیو! تُساں کیوں ڈر دے ہیوے؟“ وَل اُوں اُٹھی تے ہوا تے پانڑی کُوں دَڑکا ڈِتا تے بالکل سکون تھی گِیا۔

عبرانیوں 6:7

جیہڑی زمین ولا ولا تھیوݨ آلی بارش کُوں جذب کریندی تے کھیتی باڑی کرݨ آلے کُوں چنگی فصل ڈیندی ہے، اُوں زمین کُوں خُدا دی طرفوں برکت مِلدی ہے۔