لُوقا 11:9 - کِتاب مُقدّس سرائیکی ترجمہ

⁹ بس مَیں تُہاکُوں آدھا ہاں منگسو تاں تُہاکُوں ڈِتا ویسی، گولھیسو تاں مِلسی، دَر کھڑکیسو تاں تُہاڈے کیتے کھولیا ویسی۔

لُوقا 11:9 Referans Kwoze

مرقس 11:24

اِیں واسطے مَیں تُہاکُوں آدھا ہاں جو تُساں دُعا ءچ جیہڑا کُجھ منگدے ہیوے یقین رکھو جو تُہاکُوں مِل گئے، تے او تُہاکُوں مِل ویسی۔

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

عبرانیوں 11:6

تے بغیر اِیمان دے خُدا کُوں پسند آوݨ ناممکن ہے، کیوں جو لازم ہے جو خُدا دے کولھ آوݨ آلا اِیمان رکھے جو خُدا موجود ہے تے او اُنہاں کُوں اجر ڈیندے جیہڑے اُوندے طالب ہِن۔

یعقُوب 5:15

اِیمان نال منگی ہوئی دُعا دے سببّوں بیمار بچ ویسی۔ خُداوند اُونکُوں شِفا ڈیسی تے جے اُوں گُناہ کیتے ہووݨ تاں او معاف کیتے ویسن۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

متّی 6:29

وَل وی مَیں تُہاکُوں آدھا ہاں جو سُلیمان وی آپنڑی ساری شان و شوکت دے باوجود اُنہاں ءچوں کہیں آلی کار پُشاک نہ پَیندا ہا۔

2کُرِنتھِیوں 6:2

کیوں جو او فرمیندے جو ”مَیں قبولیت دے ویلے تیڈی سُنڑ گِھدی تے نجات دے ڈینہہ تیڈی مدد کیتی۔“ ڈیکھو! ہُنڑ قبولیت دا ویلا ہے تے ایہ نجات دا ڈینہہ ہے۔

مرقس 13:37

جیہڑا کُجھ مَیں تُہاکُوں آدھا ہاں، اُوہو سبھ کُوں آدھا ہاں جو جاگدے راہو۔“

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

مُکاشفہ 2:24

پر تُساں تھواتِیرہ دے باقی لوکاں کُوں جِنہاں اِیزبل دی تعلیم دی پیروی نئیں کیتی تے جِنہاں اُنہاں گالھیں کُوں نئیں سِکھیا، جِنہاں کُوں لوک شیطان دے گہرے راز آدھے ہِن، مَیں ایہ آدھا ہاں جو مَیں تُہاڈے اُتے کوئی بِیا بھار نہ پیساں،

لُوقا 11:10

کیوں جو جیہڑا منگدے اُونکُوں مِلدے، تے جیہڑا گولھیندے او پیندے، تے جیہڑا کھڑکیندے اُوندے کیتے کھولیا ویندے۔