لُوقا 11:29 - کِتاب مُقدّس سرائیکی ترجمہ

²⁹ جِیں ویلے بِھیڑ زیادہ تھیوݨ لگی تاں یسُوع آکھنڑ لگا جو ”اِیں زمانے دے لوک بُرے ہِن، او نشان منگدے ہِن۔ پر یُوناہ دے نشان دے علاوہ اُنہاں کُوں کوئی نشان نہ ڈِتا ویسی۔

لُوقا 11:29 Referans Kwoze

لُوقا 11:16

کُجھ بئے لوک یسُوع کُوں ازماوݨ کیتے اُوں کنُوں ہِک اسمانی نشان منگنڑ لگے،

1کُرِنتھِیوں 1:22

یہُودی نشان منگدے ہِن تے یُونانی دُنیاوی حِکمت گولھیندے ہِن۔

لُوقا 12:1

اِیں دوران ہزاراں لوکاں دی بِھیڑ لگ گئی، ایہ تئیں جو لوک ہِک بئے اُتے ڈھاندے پئے ہَن۔ وَل یسُوع سبھ تُوں پہلے آپنڑے شاگرداں کُوں ایہ آکھنڑ شروع کیتا جو ”فریسیاں دے خمیر یعنی اُنہاں دی منافقت کنُوں ہوشیار رہوائے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

یُوحنّا 6:30

بس اُنہاں اُوں کنُوں پُچھیا، ”وَل تُساں کیہڑا معجزہ ڈکھیسو جِینکُوں ڈیکھ تے اساں تُہاڈے اُتے اِیمان گِھن آؤں؟ تُساں کیہڑا کم کریسو؟

یُوحنّا 2:18

بس یہُودیاں جواب ءچ اُونکُوں آکھیا، ”اِنہاں کماں دے دفاع ءچ تُوں ساکُوں کیہڑا معجزہ ڈِکھا سگدیں؟“

لُوقا 11:50

تاں جو سبھ نبیاں دے خون دا جیہڑا دُنیا دے شروع کنُوں وہایا گِیا ہے، اِیں زمانے دے لوکاں کنُوں حساب گِھدا ونجے۔

لُوقا 9:41

یسُوع آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں تے تُہاڈی برداشت کریساں؟ آپنڑے پوتر کُوں اِتھاں گِھن آ۔“

مرقس 8:38

کیوں جو جیہڑا کوئی اِیں زِنا کار تے گُنہگار قوم ءچ مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے باپ دے جلال ءچ پاک فرشتیاں نال آساں تاں اُوندے کنُوں شرمیساں۔“

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟