لُوقا 11:13 - کِتاب مُقدّس سرائیکی ترجمہ

¹³ جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ آپنڑے منگنڑ آلیاں کُوں رُوح القُدس کیوں نہ ڈیسی؟“

لُوقا 11:13 Referans Kwoze

متّی 7:11

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

متّی 6:14

جے تُساں لوکاں دے قصُور معاف کریسو تاں تُہاڈا اسمانی باپ وی تُہاکُوں معاف کریسی۔

متّی 6:32

کیوں جو اِنہاں ساریاں چیزاں دی گولھ ءچ تاں غیر قوماں راہندیاں ہِن، پر تُہاڈا اسمانی باپ جانڑدے جو تُساں اِنہاں سبھ چیزاں دے مُتھاج ہیوے۔

لُوقا 11:2

اُوں اُنہاں کُوں آکھیا، ”جِیں ویلے دُعا کرو تاں آکھو ’اے باپ، تیڈا ناں پاک منیا ونجے، تیڈی بادشاہی آوے۔

متّی 6:30

بس جِیں ویلے خُدا میدان دی گھاہ کُوں جیہڑی اَج ہے تے کل تنُور ءچ سَٹ ڈِتی ویسی ایجھی پُشاک پویندے، تاں کمزور اِیمان آلیو! کیا تُہاکُوں نہ پویسی؟

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

رومیوں 7:18

مَیں جانڑدا ہاں جو میڈے ءچ یعنی میڈے جِسم ءچ تاں کوئی نیکی نئیں وسدی۔ بھانویں نیکی کرݨ دا اِرادہ میڈے ءچ موجود ہے، پر مَیں اِیں اِرادے اُتے عمل نئیں کر سگدا۔

رومیوں 5:17

کیوں جو جڈاں ہِک بندے دے گُناہ دی وجہ کنُوں موت ساریاں اُتے حکُومت کیتی تاں جیہڑے لوک خُدا دے بہُوں زیادہ فضل تے راستبازی دی نعمت حاصل کریندے ہِن، او وی ہِک بندے یعنی یسُوع مسیح دے وسیلے نال ہمیشاں دی زندگی ءچ ضرور حکُومت کریسن۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

لُوقا 11:12

یا انڈا منگے تاں اُونکُوں وِٹھوواں ڈیوے؟

لُوقا 18:7

تاں وَل کیا خُدا آپنڑے چُنڑے ہوئے لوکاں دا اِنصاف نہ کریسی جیہڑے ڈینہہ رات اُوں کنُوں فریاد کریندے ہِن؟ تے کیا او اُنہاں دی مدد ءچ دیر کریسی؟