لُوقا 10:40 - کِتاب مُقدّس سرائیکی ترجمہ

⁴⁰ پر مَرتھا خدمت کریندے کریندے گھبرا گئی۔ بس او اُوندے کولھ آ تے آکھنڑ لگی، ”مالک! کیا تُہاکُوں خیال نئیں جو میڈی بھینڑ میکُوں خدمت کرݨ کیتے کلھا چھوڑ ڈِتے؟ اُونکُوں آکھو جو میڈی مدد کرے۔“

لُوقا 10:40 Referans Kwoze

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

لُوقا 12:29

تے فِکر نہ کرائے جو تُساں کیا کھاسو تے کیا پی سو۔ اِیں گالھ کیتے پریشان نہ تھیوائے۔

متّی 16:22

پطرس اُونکُوں اَنج کر تے ملامت کرݨ لگا جو، ”مالک! خُدا نہ کرے، تُہاڈے نال کڈھائیں اِینویں تھیوے۔“

متّی 14:15

جِیں ویلے شام تھئی تاں شاگرد اُوندے کولھ آ تے آکھنڑ لگے جو ”ایہ جاہ ویران ہے تے دیر وی تھی گئی ہے۔ لوکاں کُوں رُخصت کر ڈیؤ تاں جو او وستیاں ءچ وَنج تے آپنڑے کیتے کھانڑا مُل گِھن سگن۔“

لُوقا 9:55

پر اُوں مُڑ تے اُنہاں کُوں دَڑکا ڈِتا۔ [تے آکھیا، ”تُساں نئیں جانڑدے جو تُساں کیہڑی رُوح دے ہیوے،

مرقس 3:21

جِیں ویلے اُوندے رشتہ داراں سُنڑیا تاں او اُونکُوں پکڑن کُوں نِکلے کیوں جو اُنہاں دا آکھنڑ ہا جو ”او آپنڑے ہوش ءچ نئیں۔“

لُوقا 10:38

وَل جِیں ویلے او ویندے پئے ہَن تاں یسُوع ہِک وستی ءچ داخل تھیّا تے مَرتھا ناں دی ہِک عورت اُونکُوں آپنڑے گھر ءچ ٹِکایا۔

لُوقا 10:41

خُداوند جواب ءچ آکھیا، ”مَرتھا! مَرتھا! تُوں تاں بہُوں ساریاں چیزاں کیتے پریشان تھیندی پئی ہیں۔

یُوحنّا 11:1

لعزر ناں دا ہِک بندہ بیمار ہا۔ او آپنڑے بھینڑیں مریم تے مَرتھا نال بیت عنیاہ ناں دی وستی ءچ راہندا ہا۔

یُوحنّا 11:5

یسُوع مَرتھا تے اُوندی بھینڑ مریم تے لعزر نال محبت رکھیندا ہا۔

یُوحنّا 12:2

اُتھاں اُنہاں اُوندے کیتے شام دا کھانڑا تیار کیتا۔ مَرتھا خدمت کریندی پئی ہئی تے لعزر اُنہاں ءچوں ہا جیہڑے یسُوع نال دسترخوان اُتے بیٹھے ہَن۔