یہُوداہ 1:8 - کِتاب مُقدّس سرائیکی ترجمہ

⁸ اِیندے باوجود ایہ لوک آپنڑی خوش فہمی ءچ رہ تے آپنڑے جِسم کُوں ناپاک کریندے ہِن، ہر اِختیار کُوں حقیر جانڑدے ہِن تے جلالی ہستیاں دی توہین کریندے ہِن۔

یہُوداہ 1:8 Referans Kwoze

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

اعمال 23:5

پولُس آکھیا، ”بِھراؤ! میکُوں معلوم نہ ہا جو ایہ کاہِن ِ اعظم ہے، کیوں جو لِکھیا ہے جو تُوں آپنڑی قوم دے سردار کُوں بُرا نہ آکھ۔“

1کُرِنتھِیوں 3:17

جے کوئی خُدا دی ہیکل کُوں برباد کریسی تاں خُدا اُونکُوں برباد کریسی کیوں جو خُدا دی ہیکل پاک ہے تے او تُساں ہیوے۔

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

اعمال 7:39

پر ساڈے پِیُو ڈاڈا اُوندا تابعدار تھیوݨ نہ چاہیا بلکہ اُونکُوں رَد کر ڈِتا تے اُنہاں دے دل مِصر دو ولا لگ گئے۔

اعمال 7:27

پر جیہڑا آپنڑے ہمسائے اُتے ظلم کریندا پِیا ہا، اُوں مُوسیٰ کُوں ہِک پاسے دھکا ڈے تے آکھیا جو ’تیکُوں کئیں ساڈے اُتے حاکم تے قاضی مقرر کیتے؟

لُوقا 19:14

پر اُوں شہر دے لوک اُوں کنُوں نفرت کریندے ہَن تے اُوندے پِچُھوں قاصداں دی زبانی پیغام روانہ کیتا جو ’اساں نئیں چاہندے جو ایہ ساڈے اُتے بادشاہی کرے۔‘

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

لُوقا 11:25

تے او آ تے اُوں گھر کُوں صاف ستھرا تے سجیا ہویا ڈیدھی ہے۔