یُوحنّا 9:34 - کِتاب مُقدّس سرائیکی ترجمہ

³⁴ اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔

یُوحنّا 9:34 Referans Kwoze

یُوحنّا 9:22

اُوندے ماء پِیُو ایہ یہُودی سرداراں دے ڈر کنُوں آکھیا ہا کیوں جو اُنہاں آپس ءچ فیصلہ کر گِھدا ہا جو جیہڑا کوئی وی اِقرار کریسی جو یسُوع ای المسیح ہے، او عبادت خانہ ءچوں کڈھ ڈِتا ویسی۔

یُوحنّا 9:2

اُوندے شاگرداں اُوں کنُوں پُچھیا جو ”ربّی! کئیں گُناہ کیتا ہا جو ایہ اندھا جمّے، اِیں یا اِیندے ماء پِیُو ؟“

لُوقا 18:17

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بالاں وانگُوں قبول نہ کرے او اُوندے ءچ کڈھائیں داخل نہ تھیسی۔“

مُکاشفہ 13:17

تے صرف او لوک جِنہاں اُتے پہلے حیوان دا نشان یعنی اُوندا ناں یا اُوندے ناں دا عدد ہوسی، خرید و فروخت کر سگسن۔

3 یُوحنّا 1:9

مَیں اُتھاں دی کلیسیا کُوں کُجھ لِکھیا تاں ہا پر دِیُترفِیس جیہڑا کلیسیا ءچ وڈا بنڑݨ چاہندے، ساکُوں قبول نئیں کریندا۔

1 پطرس 5:5

اِینویں ای نوجوانو، تُساں بزُرگاں دے تابع راہو تے عاجزی نال ہِک ڈُوجھے دی خدمت کریندے راہو کیوں جو ”خُدا مغرُوراں دی مُقابلہ کریندے پر عاجزی کرݨ آلیاں اُتے مہربانی کریندے۔“

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

گلتِیوں 2:15

”اساں پیدائشی یہُودی ہیں، گُنہگار غیر قوماں ءچوں نئیں۔

1کُرِنتھِیوں 5:13

پر باہر آلیاں دا فیصلہ تاں خُدا ای کریسی۔ بس ”اُوں بدکار کُوں آپنڑے ءچوں کڈھ ڈیؤ۔“

یُوحنّا 9:40

کُجھ فریسی جیہڑے اُوندے نال کھڑے ہَن ایہ سُنڑ تے پُچھنڑ لگے، ”کیا اساں وی اندھے ہیں؟“

یُوحنّا 9:35

جِیں ویلے یسُوع ایہ سُنڑیا جو اُنہاں اُونکُوں باہر کڈھ ڈِتے، تاں اُوں اُونکُوں گولھ تے آکھیا ”کیا تُوں اِبنِ آدم اُتے اِیمان گِھن آندیں؟“

یُوحنّا 8:41

تُساں اُوہو کریندے ہیوے جیہڑا تُہاڈا پِیُو کریندا ہا۔“ اُنہاں اُونکُوں آکھیا، ”اساں ناجائز اولاد نئیں، ساڈا باپ ہِکو ہے یعنی خُدا۔“

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

لُوقا 14:11

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔“

لُوقا 11:45

وَل شریعت دے عالماں ءچوں ہِک اُونکُوں جواب ءچ آکھیا، ”اُستاد! ایہ گالھیں آکھ تے تُساں ساکُوں وی بے عزت کریندے ہیوے۔“

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

3 یُوحنّا 1:10

جِیں ویلے مَیں آساں تاں اُونکُوں اُوندے ایہ کم جیہڑے او کریندا پئے، یاد ڈیویساں کیوں جو او ساڈے خلاف بُرے گالھیں کریندے۔ تے صرف اِیہو نئیں بلکہ بِھرانواں کُوں خود وی قبول نئیں کریندا تے ڈُوجھیاں کُوں جیہڑے اُنہاں کُوں قبول کرݨ چاہندے ہِن، روکیندے، تے کلیسیا ءچوں کڈھ ڈیندے۔