یُوحنّا 9:24 - کِتاب مُقدّس سرائیکی ترجمہ

²⁴ بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“

یُوحنّا 9:24 Referans Kwoze

یُوحنّا 9:16

وَل فریسیاں ءچوں کُجھ آکھنڑ لگے، ”ایہ بندہ خُدا دی طرفوں نئیں کیوں جو او سبت دے ڈینہہ کُوں نئیں منیندا۔“ پر کُجھ آکھنڑ لگے جو ”کوئی گُنہگار بندہ ایجھے معجزے کِینویں ڈِکھا سگدے؟“ بس اُنہاں ءچ پُھٹ پے گئی۔

یُوحنّا 19:6

جِیں ویلے سردار کاہِناں تے سپاہیاں اُونکُوں ڈِٹھا تاں چیخنڑ لگ پئے، ”اُونکُوں صلیب اُتے چڑھا ڈیؤ! اُونکُوں صلیب اُتے چڑھا ڈیؤ!“ پِیلاطُس جواب ڈِتا ”تُساں ای اِینکُوں گِھن ونجو تے صلیب اُتے چڑھا ڈیؤ کیوں جو مَیں اِیندے ءچ کوئی جُرم نئیں ڈیدھا۔“

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

یُوحنّا 18:30

اُنہاں جواب ڈِتا، ”جے ایہ مُجرم نہ ہوندا تاں اساں اِینکُوں تُہاڈے سپُرد نہ کریندے۔“

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

یُوحنّا 8:49

یسُوع جواب ڈِتا، ”میڈے ءچ بدرُوح نئیں پر مَیں آپنڑے باپ دی عزت کریندا ہاں تے تُساں میڈی بے عزتی کریندے ہیوے۔

یُوحنّا 8:46

تُہاڈے ءچوں کوݨ ہے جیہڑا میڈے ءچ گُناہ ثابت کر سگدے؟ جے مَیں سچ آدھا ہاں تاں تُساں میڈا یقین کیوں نئیں کریندے؟

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

لُوقا 19:7

جِیں ویلے لوکاں ایہ ڈِٹھا تاں سبھ بُڑبُڑ کرݨ لگے جو ”ایہ ہِک گُنہگار دا مہمان بنڑ گِیا ہے۔“

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

لُوقا 7:39

جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

مرقس 15:27

اُنہاں ڈُو ڈاکواں کُوں وی اُوندے نال مصلُوب کیتا، ہِک کُوں اُوندے سجے پاسُوں تے ڈُوجھے کُوں کھبے پاسُوں۔

یُوحنّا 9:25

اُوں جواب ڈِتا، ”مَیں ایہ نئیں جانڑدا جو او گُنہگار ہے یا نئیں۔ ہِک گالھ ضرور جانڑدا ہاں جو مَیں پہلے اندھا ہم تے ہُنڑ سُجاکھا ہاں۔“

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔