یُوحنّا 8:58 - کِتاب مُقدّس سرائیکی ترجمہ

⁵⁸ یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

یُوحنّا 8:58 Referans Kwoze

کلُسِّیوں 1:17

مسیح ساریاں چیزاں کنُوں پہلے ہے تے اُوندے ءچ سبھ چیزاں قائم راہندیاں ہِن۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

عبرانیوں 13:8

یسُوع مسیح کل تے اَج بلکہ ہمیشاں تئیں ہِکو جِیہا ہے۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

مُکاشفہ 2:8

سمُرنہ دی کلیسیا دے فرشتہ کُوں ایہ لِکھ جو جیہڑا اوّل تے آخر ہے تے جیہڑا مر گِیا ہا تے ولا زندہ تھی گئے، او فرمیندے جو

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

یُوحنّا 8:34

یسُوع اُنہاں کُوں جواب ڈِتا، ”مَیں تُہاکُوں سچ آدھا ہاں جو جیہڑا کوئی گُناہ کریندے او گُناہ دا غُلام ہے۔

یُوحنّا 8:24

اِیں واسطے مَیں تُہاکُوں ڈسا ڈِتے جو تُساں آپنڑے گُناہاں ءچ مر سو، کیوں جو جے تُساں اِیمان نئیں گِھن آندے جو مَیں اُوہو ہاں تاں تُساں آپنڑے گُناہاں ءچ مرسو۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔

یُوحنّا 10:25

یسُوع جواب ڈِتا، ”مَیں تاں تُہاکُوں ڈسا ڈِتے پر تُساں میڈا یقین ای نئیں کریندے۔ جیہڑے کم مَیں آپنڑے باپ دے ناں نال کریندا ہاں، اُوہو میڈے گواہ ہِن۔