یُوحنّا 8:43 - کِتاب مُقدّس سرائیکی ترجمہ

⁴³ تُساں میڈے گالھیں کیوں نئیں سمجھدے؟ اِیں واسطے جو میڈا کلام سُنڑ نئیں سگدے۔

یُوحنّا 8:43 Referans Kwoze

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

اعمال 7:51

ضِدی لوکو، تُساں دل تُوں تے کَن تُوں اُنہاں آلی کار ہیوے جِنہاں دا ختنہ نہ تھیّا ہووے، تُساں رُوح القُدس دی ہمیشاں مخالفت کریندے ہیوے جِینویں تُہاڈے پِیُو ڈاڈا کریندے ہَن۔

یُوحنّا 6:60

ایہ گالھیں سُنڑ تے اُوندے شاگرداں ءچوں بہُوں ساریاں آکھیا جو ”ایہ تعلیم بہُوں سخت ہے، اِینکُوں کوݨ سُنڑ سگدے؟“

یُوحنّا 8:27

او نہ سمجھے جو یسُوع ساکُوں آپنڑے باپ دے بارے ءچ اکھیندے۔

رومیوں 3:11

کوئی سمجھدار نئیں۔ کوئی خُدا دا طالب نئیں۔

متّی 13:15

کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

یُوحنّا 8:33

اُنہاں اُونکُوں جواب ڈِتا، ”اساں تاں ابرہام دی اولاد ہیں تے کڈھائیں کہیں دی غُلامی ءچ نئیں ریہے۔ تُوں کیوں آدھیں جو تُساں آزاد کیتے ویسو؟“

یُوحنّا 8:39

اُنہاں جواب ءچ اُونکُوں آکھیا، ”ساڈا باپ تاں ابرہام ہے۔“ یسُوع اُنہاں کُوں آکھیا، ”جے تُساں ابرہام دی اولاد ہوندے تاں ابرہام وانگُوں کم وی کریندے۔