یُوحنّا 8:42 - کِتاب مُقدّس سرائیکی ترجمہ

⁴² یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

یُوحنّا 8:42 Referans Kwoze

یُوحنّا 12:49

کیوں جو مَیں آپنڑی طرفوں کُجھ نئیں آدھا بلکہ اسمانی باپ جئیں میکُوں بھیجیا ہے اُونہی میکُوں حُکم ڈِتے جو کیا آکھاں تے کیا بولاں۔

یُوحنّا 14:10

کیا تیکُوں یقین نئیں جو مَیں باپ ءچ ہاں تے باپ میڈے ءچ؟ مَیں جیہڑے گالھیں تُہاکُوں آدھا ہاں آپنڑی طرفوں نئیں آدھا بلکہ میڈا باپ میڈے ءچ رہ تے آپنڑا کم کریندے۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

یُوحنّا 3:17

کیوں جو خُدا آپنڑے پوتر کُوں دُنیا ءچ اِیں خاطر نئیں بھیجیا جو دُنیا کُوں سزا دا حُکم سُنڑاوے بلکہ اِیں واسطے جو دُنیا اُوندے وسیلے نال نجات پاوے۔

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

یُوحنّا 8:14

یسُوع جواب ءچ اُنہاں کُوں آکھیا، ”بھانویں مَیں آپ ای آپنڑی گواہی ڈیندا ہاں تاں وَل وی میڈی گواہی سچی ہے کیوں جو مَیں جانڑدا ہاں جو مَیں کِتھوں آیا ہاں تے کِتھاں ویندا ہاں۔ پر تُساں نئیں جانڑدے جو مَیں کِتھوں آندا ہاں یا کِتھاں ویندا ہاں۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔