یُوحنّا 8:40 - کِتاب مُقدّس سرائیکی ترجمہ

⁴⁰ پر ہُنڑ تُساں میکُوں قتل کرݨ دی کوشش کریندے ہیوے، جئیں تُہاکُوں اُوہو سچائی دی گالھ ڈسائی جیہڑی خُدا کنُوں سُنڑی۔ ابرہام تاں اِینویں کڈھائیں نہ کیتا ہا۔

یُوحنّا 8:40 Referans Kwoze

یُوحنّا 8:26

مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“

گلتِیوں 4:29

پر جِینویں اُوں وقت اِنسانی فطرت دے مطابق پیدا تھیّا ہویا بال رُوح دی قُدرت نال پیدا تھئے ہوئے کُوں سَتیندا ہا، ہُنڑ وی اِینویں ای تھیندے۔

گلتِیوں 4:16

کیا تُہاڈے نال سچ بولنڑ دے سببّوں مَیں تُہاڈا دُشمنڑ بنڑ گِیا ہاں؟

مُکاشفہ 12:17

وَل اژدہے کُوں عورت اُتے بہُوں کاوڑ آئی تے او اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسُوع دی گواہی ڈیوݨ اُتے قائم ہِن، جنگ کرݨ گِیا۔

مُکاشفہ 12:4

اُوندی پُچھڑ اسمان دے ہِک تِہائی تارے چِھک تے اُنہاں کُوں زمین اُتے سَٹ ڈِتا۔ وَل اژدہا اُوں عورت دے سامنڑے جیہڑی بال جمنڑ آلی ہئی، وَنج کھڑا تھیّا تاں جو جِیں ویلے او بال جمّے تاں اُونکُوں کھا ونجے۔

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

یُوحنّا 8:56

تُہاڈا پِیُو ابرہام میڈا ڈینہہ ڈیکھنڑ دی تمنا ءچ بہُوں خوش ہا تے اُوں ڈِٹھا تے خوش تھیّا۔“

یُوحنّا 7:1

اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔