یُوحنّا 8:38 - کِتاب مُقدّس سرائیکی ترجمہ

³⁸ مَیں جیہڑا کُجھ آپنڑے باپ دے حضُور ڈِٹھے، تُہاکُوں اکھیندا ہاں تے تُساں وی اُوہو کریندے ہیوے جیہڑا تُساں آپنڑے باپ کنُوں سُنڑیا ہے۔“

یُوحنّا 8:38 Referans Kwoze

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

یُوحنّا 8:41

تُساں اُوہو کریندے ہیوے جیہڑا تُہاڈا پِیُو کریندا ہا۔“ اُنہاں اُونکُوں آکھیا، ”اساں ناجائز اولاد نئیں، ساڈا باپ ہِکو ہے یعنی خُدا۔“

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

یُوحنّا 14:24

جیہڑا میڈے نال محبت نئیں رکھیندا او میڈے کلام اُتے عمل نئیں کریندا۔ جیہڑا کلام تُساں سُنڑدے ہیوے او میڈا نئیں بلکہ باپ دا ہے جئیں میکُوں بھیجیا۔

یُوحنّا 14:10

کیا تیکُوں یقین نئیں جو مَیں باپ ءچ ہاں تے باپ میڈے ءچ؟ مَیں جیہڑے گالھیں تُہاکُوں آدھا ہاں آپنڑی طرفوں نئیں آدھا بلکہ میڈا باپ میڈے ءچ رہ تے آپنڑا کم کریندے۔

یُوحنّا 8:26

مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“

یُوحنّا 3:32

جیہڑا کُجھ اُوں ڈِٹھا تے سُنڑیا اُونہی دی گواہی ڈیندے، پر اُوندی گواہی کوئی قبول نئیں کریندا۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟