یُوحنّا 8:37 - کِتاب مُقدّس سرائیکی ترجمہ

³⁷ مَیں جانڑدا ہاں جو تُساں ابرہام دی اولاد ہیوے، وَل وی تُساں میڈے قتل دی کوشش ءچ ہیوے کیوں جو تُہاڈے دِلاں ءچ میڈا کلام جاہ نئیں پَیندا۔

یُوحنّا 8:37 Referans Kwoze

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

رومیوں 9:7

تے نہ ابرہام دی یکی نسل اُوندی اولاد ہے بلکہ خُدا آکھیا ہے، ”اِضحاق تُوں ای تیڈی نسل اکھویسی۔“

یُوحنّا 7:1

اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔

یُوحنّا 8:59

ایہ سُنڑ تے اُنہاں اُونکُوں مارݨ کیتے پتھر چاتے، پر یسُوع اُنہاں کنُوں لُک تے ہیکل ءچوں نِکل گِیا۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

یُوحنّا 8:43

تُساں میڈے گالھیں کیوں نئیں سمجھدے؟ اِیں واسطے جو میڈا کلام سُنڑ نئیں سگدے۔

یُوحنّا 11:53

بس او اُوں ڈینہہ تُوں یسُوع دے قتل دا منصوبہ بنڑاوݨ لگے۔

یُوحنّا 7:19

کیا مُوسیٰ تُہاکُوں شریعت نئیں ڈِتی؟ وَل وی تُہاڈے ءچوں کوئی شریعت اُتے عمل نئیں کریندا۔ تُساں کیوں میکُوں قتل کرݨ دی کوشش ءچ ہیوے؟“

یُوحنّا 10:31

یہُودیاں ولا اُونکُوں سنگسار کرݨ کیتے پتھر چا تے۔

یُوحنّا 8:6

اُنہاں ایہ سوال اُونکُوں ازماوݨ کیتے پُچھیا تاں جو کہیں وجہ کنُوں اُوندے اُتے اِلزام لا سگنڑ۔ پر یسُوع جُھک تے آپنڑی انگل نال زمین اُتے کُجھ لِکھنڑ لگ پِیا۔

یُوحنّا 7:25

وَل یروشلیم دے کُجھ راہنڑ آلے آکھنڑ لگے، ”کیا ایہ اُوہو نئیں جیندے قتل دی کوشش تھیندی پئی ہے؟

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

متّی 13:15

کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

یُوحنّا 8:33

اُنہاں اُونکُوں جواب ڈِتا، ”اساں تاں ابرہام دی اولاد ہیں تے کڈھائیں کہیں دی غُلامی ءچ نئیں ریہے۔ تُوں کیوں آدھیں جو تُساں آزاد کیتے ویسو؟“

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

یُوحنّا 8:56

تُہاڈا پِیُو ابرہام میڈا ڈینہہ ڈیکھنڑ دی تمنا ءچ بہُوں خوش ہا تے اُوں ڈِٹھا تے خوش تھیّا۔“

1 یُوحنّا 2:14

بزُرگو! مَیں تُہاکُوں اِیں واسطے لِکھیا ہے جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھیا ہے جو تُساں مضبوط ہیوے تے خُدا دا کلام تُہاڈے دِلاں ءچ وسدے، تے تُساں ابلیس اُتے غالب آ گئے ہیوے۔