یُوحنّا 8:29 - کِتاب مُقدّس سرائیکی ترجمہ

²⁹ تے جئیں میکُوں بھیجیا ہے او میڈے نال ہے۔ اُوں میکُوں کلھا نئیں چھوڑیا، کیوں جو مَیں ہمیشاں اُوہو کم کریندا ہاں جیہڑے اُونکُوں پسند ہِن۔“

یُوحنّا 8:29 Referans Kwoze

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 16:32

ڈیکھو او ویلا آندے بلکہ آ گِیا ہے جو تُساں سارے تِتربِتر تھی تے آپنڑے آپنڑے گھراں کُوں ٹُر پوسو تے میکُوں کلھا چھوڑ ڈیسو۔ وَل وی مَیں کلھا نئیں کیوں جو باپ میڈے نال ہے۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

یُوحنّا 8:16

تے جے مَیں کہیں دا فیصلہ کراں وی تاں میڈا فیصلہ سچا ہے کیوں جو مَیں کلھا نئیں بلکہ باپ، جئیں میکُوں بھیجیا ہے میڈے نال ہے۔

1 یُوحنّا 2:1

میڈے بالو! مَیں تُہاکُوں ایہ گالھیں اِیں واسطے لِکھدا پِیاں ہاں جو تُساں گُناہ نہ کرو۔ پر جے کوئی گُناہ کرے تاں خُدا باپ دے حضُور ءچ ساڈی سفارش کرݨ آلا ہِک موجود ہے یعنی یسُوع مسیح جیہڑا راستباز ہے۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 17:4

مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

2 تِیمُتھِیُس 4:22

خُداوند تیڈی رُوح نال راہوے۔ خُدا دا فضل تیڈے اُتے تھیندا راہوے۔

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔