یُوحنّا 8:26 - کِتاب مُقدّس سرائیکی ترجمہ

²⁶ مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“

یُوحنّا 8:26 Referans Kwoze

یُوحنّا 15:15

ہُنڑ کنُوں مَیں تُہاکُوں نوکر نہ اکھیساں کیوں جو نوکر نئیں جانڑدا جو اُوندا مالک کیا کریندے بلکہ مَیں تُہاکُوں دوست آکھیا ہے کیوں جو سبھ کُجھ جیہڑا مَیں آپنڑے باپ کنُوں سُنڑیا ہے تُہاکُوں ڈسا ڈِتے۔

یُوحنّا 8:40

پر ہُنڑ تُساں میکُوں قتل کرݨ دی کوشش کریندے ہیوے، جئیں تُہاکُوں اُوہو سچائی دی گالھ ڈسائی جیہڑی خُدا کنُوں سُنڑی۔ ابرہام تاں اِینویں کڈھائیں نہ کیتا ہا۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

یُوحنّا 7:28

بس یسُوع ہیکل ءچ تعلیم ڈیندے ہوئے اُچی اواز ءچ آکھیا، ”تُساں میکُوں وی جانڑدے ہیوے تے ایہ وی جانڑدے ہیوے جو مَیں کِتھوں دا ہاں۔ مَیں آپنڑی مرضی نال نئیں آیا پر جئیں میکُوں بھیجیا ہے، او سچا ہے۔ تُساں اُونکُوں نئیں جانڑدے۔

2کُرِنتھِیوں 1:18

جِینویں خُدا سچا ہے اُونویں ای تُہاڈے نال ساڈے پیغام ءچ ”ہاں“ تے ”نہ“ ڈوہائیں نئیں ہوندے۔

یُوحنّا 16:12

میکُوں تُہاکُوں بِیا وی بہُوں کُجھ آکھنڑا ہے پر حالی تُساں اُوندی برداشت نئیں کر سگدے،

یُوحنّا 7:16

یسُوع جواب ءچ اُنہاں کُوں آکھیا، ”میڈی تعلیم میڈی نئیں بلکہ میڈے بھیجنڑ آلے دی ہے۔

یُوحنّا 3:11

مَیں تیکُوں سچ آدھا ہاں جو جیہڑا کُجھ اساں جانڑدے ہیں، اُوہو آدھے ہیں، تے جِینکُوں اساں ڈِٹھے اُوندی گواہی ڈیندے ہاں، پر تُساں ساڈی گواہی قبول نئیں کریندے۔

یُوحنّا 8:25

اُنہاں اُوں کنُوں پُچھیا، ”تُوں کوݨ ہیں؟“ یسُوع جواب ڈِتا، ”مَیں اُوہو ہاں جیہڑا مَیں شروع کنُوں تُہاکُوں اکھیندا آیا ہاں۔

یُوحنّا 8:27

او نہ سمجھے جو یسُوع ساکُوں آپنڑے باپ دے بارے ءچ اکھیندے۔

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔