یُوحنّا 8:20 - کِتاب مُقدّس سرائیکی ترجمہ

²⁰ یسُوع ایہ گالھیں ہیکل ءچ ہدیہ پاوݨ آلی جاہ دے نیڑے تعلیم ڈیندے ویلے آکھیاں، پر کہیں اُونکُوں نہ پکڑیا کیوں جو اجنڑ اُوندا وقت نہ آیا ہا۔

یُوحنّا 8:20 Referans Kwoze

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 7:8

تُساں عید ءچ ونجو۔ مَیں اجنڑ اِیں عید ءچ نئیں ویندا، کیوں جو حالی تئیں میڈا وقت نئیں آیا۔“

مرقس 12:41

وَل یسُوع ہیکل دے خزانے دے سامنڑے بہہ تے ڈیدھا پِیا ہا جو لوک ہیکل دے خزانے ءچ پیسے کِینویں سٹیندے ہِن۔ بہُوں سارے دولت مند بہُوں کُجھ سٹیندے پئے ہَن۔

یُوحنّا 7:44

اُنہاں ءچوں کُجھ اُونکُوں پکڑن چاہندے ہَن پر کہیں اُوندے اُتے ہتھ نہ پایا۔

مرقس 12:43

یسُوع شاگرداں کُوں کولھ سڈ تے آکھیا، ”مَیں تُہاکُوں سچ آدھا ہاں جو جیہڑے ہیکل دے خزانے ءچ سٹیندے پئے ہِن، اِیں غریب بیوہ اُنہاں سبھ کنُوں زیادہ سٹیا ہے۔

متّی 27:6

سردار کاہِناں پیسے چا گِھدے تے آکھنڑ لگے، ”ایہ رقم تاں خون دی قیمت ہے، اِینکُوں ہیکل دے خزانے ءچ ڈیوݨ جائز نئیں۔“

یُوحنّا 10:39

اُنہاں ولا اُونکُوں پکڑن دی کوشش کیتی پر او اُنہاں دے ہتُھوں نِکل گِیا۔

یُوحنّا 8:59

ایہ سُنڑ تے اُنہاں اُونکُوں مارݨ کیتے پتھر چاتے، پر یسُوع اُنہاں کنُوں لُک تے ہیکل ءچوں نِکل گِیا۔

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

لُوقا 21:1

وَل یسُوع نِگاہ چا تے دولت منداں کُوں ڈِٹھا جیہڑے ہیکل دے خزانے ءچ آپنڑے نذرانے سٹیندے پئے ہَن۔

یُوحنّا 2:4

یسُوع اُونکُوں آکھیا، ”ماء! میکُوں ایہ کیوں آدھی ہیں؟ اجنڑ میڈا وقت نئیں آیا۔“

یُوحنّا 7:14

جِیں ویلے عید دے ادھے ڈینہہ لنگھ گئے تاں یسُوع ہیکل ءچ وَنج تے تعلیم ڈیوݨ لگا۔

یُوحنّا 8:2

سویل تھیندے ای او وَل ہیکل ءچ آیا۔ سارے لوک اُوندے کولھ آئے تے او بہہ تے اُنہاں کُوں تعلیم ڈیوݨ لگا۔