یُوحنّا 7:37 - کِتاب مُقدّس سرائیکی ترجمہ

³⁷ وَل عید دے آخری ڈینہہ جیہڑا سبھ تُوں خاص ڈینہہ ہے، یسُوع کھڑا تھیّا تے اُچی اواز ءچ آکھنڑ لگا، ”جے کوئی ترِسّا ہووے تاں میڈے کولھ آوے تے پِیوے۔

یُوحنّا 7:37 Referans Kwoze

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

مُکاشفہ 22:17

رُوح تے کُنوار آدھی ہے، ”آ“ تے او وی جیہڑا سُنڑدا ہے، آکھے، ”آ۔“ جیہڑا ترِسّا ہووے تے جیہڑا زندگی دا پانڑی چاہوے او اُونکُوں مُفت ءچ گِھن گِھنے۔

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

مُکاشفہ 21:6

وَل اُوں میکُوں آکھیا جو ”مکمل تھی گِیا! مَیں الفا تے اومیگا، ابتدا تے اِنتہا ہاں۔ مَیں ترِسّے کُوں زندگی دے پانڑی دے چشمہ ءچوں مُفت پِلیساں۔

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

یُوحنّا 6:55

کیوں جو حقیقی کھانڑا میڈا گوشت تے پِیوݨ دی حقیقی چیز میڈا خون ہے۔

متّی 11:28

محنت کرݨ آلیو تے بھار تلے دبے ہوئے لوکو! سبھ میڈے کولھ آؤ۔ مَیں تُہاکُوں آرام ڈیساں۔

1کُرِنتھِیوں 10:21

تُساں خُداوند دے پیالے تے بدرُوحاں دے پیالے ڈوہائیں ءچوں نئیں پی سگدے۔ تُساں خُداوند دے دسترخوان تے بدرُوحاں دے دسترخوان ڈوہائیں ءچ شریک نئیں تھی سگدے۔

1کُرِنتھِیوں 10:4

تے ساریاں ہِکو رُوحانی پانڑی پِیتا، کیوں جو او اُوں رُوحانی چٹان کنُوں پانڑی پِیندے ہَن جیہڑی اُنہاں دے نال چلدی ہئی تے او چٹان مسیح ہئی۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

1کُرِنتھِیوں 11:25

اِینویں ای، کھانڑے دے بعد اُوں پیالہ وی گِھدا تے آکھیا، ”ایہ پیالہ او نواں عہد ہے جیہڑا میڈے خون دے وسیلے بدھیا ویندے۔ جِیں ویلے وی اِینکُوں پِیو، میڈی یادگاری کیتے اِیہو کیتا کرو۔“

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 5:40

وَل وی تُساں زندگی پاوݨ کیتے میڈے کولھ نئیں آوݨ چاہندے۔

یُوحنّا 1:23

اُوں آکھیا، ”جِینویں یسعیاہ نبی آکھیا ہے ’مَیں بیابان ءچ ہکل ڈیوݨ آلے دی اواز ہاں جو رب دی راہ کُوں سِدھا بنڑاؤ‘۔“

یُوحنّا 7:28

بس یسُوع ہیکل ءچ تعلیم ڈیندے ہوئے اُچی اواز ءچ آکھیا، ”تُساں میکُوں وی جانڑدے ہیوے تے ایہ وی جانڑدے ہیوے جو مَیں کِتھوں دا ہاں۔ مَیں آپنڑی مرضی نال نئیں آیا پر جئیں میکُوں بھیجیا ہے، او سچا ہے۔ تُساں اُونکُوں نئیں جانڑدے۔

متّی 3:3

ایہ اُوہو ہے جِیندا ذِکر یسعیاہ نبی دی معرفت اِینویں تھیّا ہا جو ”بیابان ءچ ہکل ڈیوݨ آلے دی اواز آندی ہے جو رب دی راہ تیار کرو، تے اُوندے رستے سِدھے بنڑاؤ۔“

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

یُوحنّا 4:11

عورت اُونکُوں آکھیا، ”سائیں، تُہاڈے کولھ پانڑی بھرݨ کیتے کوئی چیز نئیں تے کُھوہ وی بہُوں جِھکا ہے، وَل او زندگی دا پانڑی تُہاڈے کولھ کِتھوں آیا؟