یُوحنّا 7:28 - کِتاب مُقدّس سرائیکی ترجمہ

²⁸ بس یسُوع ہیکل ءچ تعلیم ڈیندے ہوئے اُچی اواز ءچ آکھیا، ”تُساں میکُوں وی جانڑدے ہیوے تے ایہ وی جانڑدے ہیوے جو مَیں کِتھوں دا ہاں۔ مَیں آپنڑی مرضی نال نئیں آیا پر جئیں میکُوں بھیجیا ہے، او سچا ہے۔ تُساں اُونکُوں نئیں جانڑدے۔

یُوحنّا 7:28 Referans Kwoze

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

یُوحنّا 8:26

مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“

یُوحنّا 8:14

یسُوع جواب ءچ اُنہاں کُوں آکھیا، ”بھانویں مَیں آپ ای آپنڑی گواہی ڈیندا ہاں تاں وَل وی میڈی گواہی سچی ہے کیوں جو مَیں جانڑدا ہاں جو مَیں کِتھوں آیا ہاں تے کِتھاں ویندا ہاں۔ پر تُساں نئیں جانڑدے جو مَیں کِتھوں آندا ہاں یا کِتھاں ویندا ہاں۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 12:49

کیوں جو مَیں آپنڑی طرفوں کُجھ نئیں آدھا بلکہ اسمانی باپ جئیں میکُوں بھیجیا ہے اُونہی میکُوں حُکم ڈِتے جو کیا آکھاں تے کیا بولاں۔

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

2کُرِنتھِیوں 1:18

جِینویں خُدا سچا ہے اُونویں ای تُہاڈے نال ساڈے پیغام ءچ ”ہاں“ تے ”نہ“ ڈوہائیں نئیں ہوندے۔

رومیوں 3:4

ہرگز نئیں۔ بلکہ خُدا سچا ہے بھانویں ہر بندہ کُوڑا ہے۔ جِینویں پاک کلام ءچ لِکھیا ہے جو ”تُوں آپنڑے گالھیں ءچ سچا ثابت ہوسیں تے آپنڑے مقدمے ءچ جیت سیں۔“

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

اعمال 17:23

کیوں جو جِیں ویلے مَیں تُہاڈے شہر ءچ پِھردا پِیا ہم تاں میڈی نِگاہ تُہاڈے معبُوداں اُتے وی پئی۔ مَیں ڈِٹھا جو ہِک قُربان گاہ اُتے ایہ لِکھیا ہا ’نا معلوم خُدا کیتے۔‘ بس جِینکُوں تُساں بغیر جانڑدے ہوئے پُوجدے ہیوے، مَیں تُہاکُوں اُونہی دی خبر ڈیندا ہاں۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 16:3

تے او ایہ اِیں واسطے کریسن جو اُنہاں نہ تاں باپ کُوں جانڑیا نہ میکُوں۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 14:10

کیا تیکُوں یقین نئیں جو مَیں باپ ءچ ہاں تے باپ میڈے ءچ؟ مَیں جیہڑے گالھیں تُہاکُوں آدھا ہاں آپنڑی طرفوں نئیں آدھا بلکہ میڈا باپ میڈے ءچ رہ تے آپنڑا کم کریندے۔

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 8:16

تے جے مَیں کہیں دا فیصلہ کراں وی تاں میڈا فیصلہ سچا ہے کیوں جو مَیں کلھا نئیں بلکہ باپ، جئیں میکُوں بھیجیا ہے میڈے نال ہے۔

یُوحنّا 5:32

ہِک بِیا ہے جیہڑا میڈی گواہی ڈیندے تے مَیں جانڑدا ہاں جو میڈے بارے ءچ اُوندی گواہی سچی ہے۔

یُوحنّا 3:33

جئیں اُوندی گواہی قبول کیتی اُوں اِیں گالھ دی تصدیق کر ڈِتی جو خُدا سچا ہے۔

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 1:46

نتن ایل پُچھیا، ”کیا ناصرت ءچوں کوئی چنگی چیز نِکل سگدی ہے؟“ فِلپُس آکھیا، ”جُل تے خود ای ڈیکھ گِھن۔“

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

لُوقا 2:51

او اُنہاں نال روانہ تھی تے ناصرت ءچ آیا تے اُنہاں دے تابع ریہا۔ اُوندی ماء ایہ سارے گالھیں آپنڑے دل ءچ رکھیاں۔

لُوقا 2:39

جِیں ویلے اُنہاں رب دی شریعت دے مطابق سبھ کُجھ کر گِھدا تاں گلیل ءچ آپنڑے شہر ناصرت کُوں وَل گئے۔

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

لُوقا 2:4

اِیں واسطے یُوسف وی گلیل دے شہر ناصرت تُوں یہُودیہ ءچ داؤد دے شہر بیت لحم کُوں گِیا، کیوں جو او داؤد دے گھرانڑے تے اولاد ءچوں ہا۔

متّی 2:23

اُتھاں پُج تے ناصرت ناں دے شہر ءچ راہنڑ لگا۔ تے جیہڑی گالھ نبی دی معرفت فرمائی گئی ہئی او پُوری تھئی جو ”او ناصری اکھویسی۔“

یُوحنّا 7:14

جِیں ویلے عید دے ادھے ڈینہہ لنگھ گئے تاں یسُوع ہیکل ءچ وَنج تے تعلیم ڈیوݨ لگا۔

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

یُوحنّا 6:42

تے او آکھنڑ لگے جو، ”کیا ایہ یُوسف دا پوتر یسُوع نئیں جیندے ماء پِیُو کُوں اساں جانڑدے ہاں؟ ہُنڑ او کِینویں آدھے جو مَیں اسمان کنُوں لتھا ہاں؟“

یُوحنّا 9:29

اساں جانڑدے ہیں جو خُدا مُوسیٰ نال کلام کیتے پر اِیں بندے کُوں نئیں جانڑدے جو ایہ کِتھوں دا ہے۔“