یُوحنّا 7:20 - کِتاب مُقدّس سرائیکی ترجمہ

²⁰ لوکاں جواب ڈِتا، ”تیڈے ءچ تاں کوئی بدرُوح ہے۔ کوݨ تیڈے قتل دی کوشش ءچ ہے؟“

یُوحنّا 7:20 Referans Kwoze

یُوحنّا 10:20

اُنہاں ءچوں بہُوں سارے تاں آکھنڑ لگے، ”اُوندے ءچ بدرُوح ہے تے او پاگل ہے۔ تُساں اُوندی کیوں سُنڑدے ہیوے؟“

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘

مرقس 3:30

یسُوع ایہ اِیں واسطے آکھیا کیوں جو او آدھے ہَن ”اُوندے ءچ بدرُوح ہے۔“

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

متّی 12:24

فریسیاں سُنڑ تے آکھیا، ”ایہ بدرُوحاں دے سردار بعل زبُول دی مدد دے بغیر بدرُوحاں کُوں نئیں کڈھیندا۔“

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 9:34

پر فریسیاں آکھیا جو ”ایہ تاں بدرُوحاں دے سردار دی مدد نال بدرُوحاں کُوں کڈھیندے۔“

یُوحنّا 8:49

یسُوع جواب ڈِتا، ”میڈے ءچ بدرُوح نئیں پر مَیں آپنڑے باپ دی عزت کریندا ہاں تے تُساں میڈی بے عزتی کریندے ہیوے۔