یُوحنّا 7:13 - کِتاب مُقدّس سرائیکی ترجمہ

¹³ وَل وی یہُودی سرداراں دے ڈر تُوں کوئی اُوندے بارے ءچ کُھل تے گالھ نہ کریندا ہا۔

یُوحنّا 7:13 Referans Kwoze

یُوحنّا 9:22

اُوندے ماء پِیُو ایہ یہُودی سرداراں دے ڈر کنُوں آکھیا ہا کیوں جو اُنہاں آپس ءچ فیصلہ کر گِھدا ہا جو جیہڑا کوئی وی اِقرار کریسی جو یسُوع ای المسیح ہے، او عبادت خانہ ءچوں کڈھ ڈِتا ویسی۔

یُوحنّا 19:38

اِنہاں گالھیں دے بعد ہِک بندہ یُوسف جیہڑا ارِمَتِیاہ دا راہنڑ آلا ہا تے یسُوع دا شاگرد ہا، پر یہُودی سرداراں دے ڈر کنُوں خُفیہ طور تے، او پِیلاطُس دے کولھ گِیا تے یسُوع دی لاش کُوں گِھن ونجنڑ دی اِجازت منگی۔ پِیلاطُس اِجازت ڈے ڈِتی تے او آ تے یسُوع دی لاش کُوں گِھن گِیا۔

یُوحنّا 20:19

وَل اُوں ڈینہہ جیہڑا ہفتے دا پہلا ڈینہہ ہا، شام دے وقت جِیں ویلے شاگرد ہِک جاہ جمع ہَن تے یہُودیاں دے ڈر کنُوں دروازے بند ہَن، یسُوع آ تے اُنہاں دے وچال آ کھڑا تھیّا تے آکھیا، ”تُہاڈی سلامتی ہووے۔“

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

یُوحنّا 9:34

اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 7:1

اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔

یُوحنّا 7:11

بس یہُودی عید ءچ اُونکُوں گولھیندے تے پُچھدے پِھردے ہَن جو ”او کِتھاں ہے؟“

یُوحنّا 7:15

یہُودی حیران تھی تے آکھنڑ لگے جو ”اِیں کُوں بغیر پڑھے علم کِتھوں آ گِیا؟“