یُوحنّا 7:12 - کِتاب مُقدّس سرائیکی ترجمہ

¹² تے لوک اُوندے بارے ءچ ہولے ہولے گالھیں کریندے پئے ہَن۔ کُجھ آدھے ہَن جو ”او نیک بندہ ہے“ تے کُجھ آدھے ہَن جو ”کائنی، او لوکاں کُوں گُمراہ کریندے۔“

یُوحنّا 7:12 Referans Kwoze

یُوحنّا 9:16

وَل فریسیاں ءچوں کُجھ آکھنڑ لگے، ”ایہ بندہ خُدا دی طرفوں نئیں کیوں جو او سبت دے ڈینہہ کُوں نئیں منیندا۔“ پر کُجھ آکھنڑ لگے جو ”کوئی گُنہگار بندہ ایجھے معجزے کِینویں ڈِکھا سگدے؟“ بس اُنہاں ءچ پُھٹ پے گئی۔

یُوحنّا 7:47

فریسیاں اُنہاں کُوں جواب ڈِتا، ”کیا تُساں وی اُوندے دوکھے ءچ آ گئے ہیوے؟

یُوحنّا 7:32

فریسیاں لوکاں تُوں سُنڑیا جو اُوندے بارے ءچ ہولے ہولے ایہ گالھیں کریندے ہِن۔ بس سردار کاہِناں تے فریسیاں اُونکُوں پکڑن کیتے ہیکل دے سپاہی بھیجے۔

فِلِپّیوں 2:14

تے ہر کم بغیر شکایت تے بحث دے کیتا کرو۔

رومیوں 5:7

کہیں راستباز دی خاطر وی کوئی مُشکل نال آپنڑی جان ڈیسی پر شاید کوئی کہیں نیک بندے کیتے آپنڑی جان ڈیوݨ دی جُرأت کرے۔

اعمال 11:24

او نیک بندہ ہا تے اِیمان تے رُوح القُدس نال بھریا ہویا ہا۔ تے بہُوں سارے لوک خُداوند دی کلیسیا ءچ شامل تھی گئے۔

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

لُوقا 23:50

اُتھاں یُوسف ناں دا ہِک نیک تے راستباز بندہ ہا جیہڑا صدر عدالت دا ممبر ہا،

لُوقا 23:47

جِیں ویلے صوبہ دار ایہ حال ڈِٹھا تاں خُدا دی تعریف کریندے ہوئے آکھیا، ”بے شک ایہ بندہ راستباز ہا۔“

لُوقا 18:19

یسُوع اُونکُوں آکھیا، ”تُوں میکُوں نیک کیوں آدھیں؟ کوئی نیک نئیں صرف ہِک ہے یعنی خُدا۔

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

لُوقا 6:45

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

متّی 21:46

تے او اُونکُوں پکڑن دی کوشش ءچ ہَن پر لوکاں کنُوں ڈردے ہَن کیوں جو او اُونکُوں نبی منیندے ہَن۔

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔