یُوحنّا 6:71 - کِتاب مُقدّس سرائیکی ترجمہ

⁷¹ اُوں ایہ شمعون اِسکریُوتی دے پوتر یہُوداہ دے بارے ءچ آکھیا کیوں جو اِیہو جیہڑا اُنہاں بارہاں ءچوں ہا، اُونکُوں پکڑواوݨ آلا ہا۔

یُوحنّا 6:71 Referans Kwoze

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

یُوحنّا 13:26

یسُوع جواب ڈِتا، ”جِینکُوں مَیں روٹی دا گِراں بوڈ تے ڈیساں اُوہو ہوسی۔“ وَل اُوں گِراں بوڈیا تے شمعون اِسکریُوتی دے پوتر یہُوداہ کُوں ڈِتا۔

متّی 10:2

بارہاں رسُولاں دے ناں ایہ ہِن۔ پہلا شمعون جیہڑا پطرس اکھویندے تے اُوندا بِھرا اندریاس، زبدی دا پوتر یعقُوب تے اُوندا بِھرا یُوحنّا،

متّی 10:4

حلفئی دا پوتر یعقُوب تے تدّی، شمعون قنانی تے یہُوداہ اِسکریُوتی جئیں اُونکُوں پکڑوا وی ڈِتا۔

مرقس 14:10

وَل یہُوداہ اِسکریُوتی جیہڑا اُنہاں بارہاں ءچوں ہا، سردار کاہِناں دے کولھ چلیا گِیا تاں جو یسُوع کُوں اُنہاں دے حوالے کر ڈیوے۔

یُوحنّا 2:2

یسُوع تے اُوندے شاگرداں دی وی اُوں شادی ءچ دعوت ہئی۔

یُوحنّا 6:64

پر تُہاڈے ءچوں کُجھ ایجھے ہِن جیہڑے اِیمان نئیں گِھن آئے۔“ (کیوں جو یسُوع شروع کنُوں جانڑدا ہا جو اِیمان نہ گِھن آوݨ آلے کوݨ ہِن تے کوݨ میکُوں پکڑویسی۔)

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

یُوحنّا 12:4

پر یہُوداہ اِسکریُوتی جیہڑا یسُوع دے شاگرداں ءچوں ہا تے جیہڑا بعد ءچ اُونکُوں پکڑواوݨ آلا ہا، آکھیا،

یُوحنّا 13:2

شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

یُوحنّا 20:24

پر توما جِینکُوں جاڑا وی آدھے ہِن تے جیہڑا اُنہاں بارہاں ءچوں ہا، اُنہاں دے نال نہ ہا جڈاں یسُوع آیا ہا۔