یُوحنّا 6:69 - کِتاب مُقدّس سرائیکی ترجمہ

⁶⁹ تے اساں اِیمان گِھن آئے تے جاݨ گئے ہیں جو خُدا دے قدُّوس تُساں ای ہیوے۔“

یُوحنّا 6:69 Referans Kwoze

یُوحنّا 11:27

اُوں اُونکُوں آکھیا، ”ہاں مالک! میڈا اِیمان ہے جو خُدا دا پوتر المسیح جیہڑا دُنیا ءچ آوݨ آلا ہا، تُساں ای ہیوے۔“

لُوقا 9:20

اُوں اُنہاں کنُوں پُچھیا، ”پر تُساں میکُوں کیا آدھے ہیوے؟“ پطرس جواب ڈِتا، ”خُدا دے المسیح۔“

مرقس 8:29

اُوں اُنہاں کنُوں پُچھیا، ”پر تُساں میکُوں کیا آدھے ہیوے؟“ پطرس جواب ڈِتا، ”تُساں المسیح ہیوے۔“

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

رومیوں 1:3

آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 1:41

اندریاس پہلا کم ایہ کیتا جو آپنڑے بِھرا شمعون کُوں گولھ تے اُونکُوں آکھیا جو ”ساکُوں المسیح مِل گِیا ہے۔“ (مسیح دا مطلب خُدا دا چُنڑیا ہویا بادشاہ ہے۔)

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

مرقس 1:1

خُدا دے پوتر یسُوع مسیح دے بارے ءچ خوشخبری دا شروع ایہ ہے۔

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

اِفِسیوں 4:13

جئیں تئیں اساں سارے اِیمان تے خُدا دے پوتر دی پچھاݨ ءچ ہِک تھی تے بالغ نہ بنڑ ونجُوں، یعنی مسیح دی پُوری کاملیت تئیں پُج نہ ونجُوں۔

1 یُوحنّا 4:16

جیہڑی محبت خُدا کُوں ساڈے نال ہے، اساں اُونکُوں جاݨ گئے ہیں تے ساکُوں اُوندا یقین ہے۔ خُدا محبت ہے تے جیہڑا محبت ءچ قائم راہندے، او خُدا ءچ قائم راہندے تے خُدا اُوندے ءچ۔