یُوحنّا 6:51 - کِتاب مُقدّس سرائیکی ترجمہ

⁵¹ مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

یُوحنّا 6:51 Referans Kwoze

لُوقا 22:19

وَل اُوں روٹی گِھدی تے شُکر کر تے تروڑی تے شاگرداں کُوں ایہ آکھ تے ڈِتی جو ”ایہ میڈا بدن ہے جیہڑا تُہاڈے کیتے ڈِتا ویندے۔ میڈی یادگاری کیتے اِیہو کیتا کرو۔“

یُوحنّا 6:33

کیوں جو خُدا دی روٹی او ہے جیہڑی اسمان کنُوں لہہ تے دُنیا کُوں زندگی بخشدی ہے۔“

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

عبرانیوں 10:20

مسیح آپنڑے بدن دی قُربانی نال ہِک نواں تے زندگی ڈیوݨ آلا رستہ کھول ڈِتے جیہڑا پڑدے تُوں اگُوں گِھن ویندے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1 پطرس 2:4

تُساں مسیح دے یعنی اُوں زندہ پتھر دے کولھ آندے پئے ہیوے، جِینکُوں اِنساناں رَد کر ڈِتا ہا، پر خُدا چُنڑ گِھدا تے قیمتی سمجھیا۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

اِفِسیوں 5:25

پایو! آپنڑیاں ذالاں نال اُونویں ای محبت رکھو جِینویں مسیح کلیسیا نال رکھی تے اُوندے کیتے آپنڑی جان ڈے ڈِتی،

2کُرِنتھِیوں 5:19

مطلب ایہ ہے جو خُدا مسیح دے وسیلے دُنیا نال صُلح کیتی تے لوکاں دے گُناہاں کُوں اُنہاں دے ذمہ نہ لایا تے صُلح دا ایہ پیغام اُوں ساڈے حوالے کر ڈِتے۔

یُوحنّا 7:38

جیہڑا کوئی میڈے اُتے اِیمان گِھن آسی اُوندے دل ءچوں، جِینویں خُدا دے کلام ءچ لِکھیا ہے، زندگی دے پانڑی دیاں ندیاں وَیہہ پوسن۔“

یُوحنّا 3:14

جِینویں مُوسیٰ بیابان ءچ نانگ کُوں اُچائی اُتے چڑھایا، اُونویں ای ضرور ہے جو اِبنِ آدم وی اُچائی اُتے چڑھایا ونجے۔

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

یُوحنّا 6:41

بس یہُودی اُوندے اُتے بُڑبُڑ کرݨ لگے اِیں واسطے جو اُوں آکھیا ہا جو ”جیہڑی روٹی اسمان کنُوں لتھی ہئی او مَیں ہاں۔“

یُوحنّا 6:47

مَیں تُہاکُوں سچ آدھا ہاں جو جیہڑا کوئی اِیمان گِھن آندے، ہمیشاں دی زندگی اُوندی ہے۔

یُوحنّا 6:48

زندگی دی روٹی مَیں ہاں۔

یُوحنّا 6:50

پر ایہ او روٹی ہے جیہڑی اسمان کنُوں لہندی ہے تاں جو بندہ اُوں روٹی ءچوں کھاوے تے نہ مرے۔

یُوحنّا 11:26

تے جیہڑا کوئی زندہ ہے تے میڈے اُتے اِیمان گِھن آندے او کڈھائیں نہ مرسی۔ کیا تُوں اِیں گالھ اُتے اِیمان رکھیندی ہیں؟“