یُوحنّا 6:46 - کِتاب مُقدّس سرائیکی ترجمہ

⁴⁶ اِیندا مطلب ایہ نئیں جو کہیں کڈھائیں باپ کُوں ڈِٹھے۔ صرف اُوں جیہڑا خُدا دی طرفوں ہے، اُوں ای باپ کُوں ڈِٹھے۔

یُوحنّا 6:46 Referans Kwoze

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 7:29

مَیں اُونکُوں جانڑدا ہاں اِیں واسطے جو مَیں اُوندی طرفوں ہاں تے اُونہی میکُوں بھیجیا ہے۔“

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

یُوحنّا 8:55

تُساں اُونکُوں نئیں جانڑیا، پر مَیں اُونکُوں جانڑدا ہاں تے جے آکھاں جو اُونکُوں نئیں جانڑدا تاں تُہاڈے وانگُوں کُوڑا ہوساں۔ پر مَیں اُونکُوں جانڑدا ہاں تے اُوندے کلام اُتے عمل کریندا ہاں۔

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

یُوحنّا 5:37

تے باپ جئیں میکُوں بھیجیا ہے، اُوں خود میڈے حق ءچ گواہی ڈِتی ہے۔ تُساں نہ تاں کڈھائیں اُوندی اواز سُنڑی ہے نہ ای اُوندی شکل ڈِٹھی ہے،

یُوحنّا 14:7

جے تُساں میکُوں جاݨ گِھدا ہوندا تاں میڈے باپ کُوں وی جانڑدے۔ ہُنڑ تُساں اُونکُوں جاݨ گئے ہیوے بلکہ اُونکُوں ڈیکھ گِھدے۔“